SportPress.kz قازاقستان سپورت جاڭالىقتارى
بۇگىن ءۇندىستاندا سۋ سپورتى تۇرلەرىنەن ازيا چەمپيوناتىندا كوركەم جۇزۋدەن سوڭعى جۇلدە جيىنتىعى ساراپقا سالىندى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.
سونداي-اق كوماندالىق اكروباتيكا باسەكەسىندە قازاقستان قۇراماسى قارسىلاس شاق كەلتىرمەي، ۇزدىك اتاندى.
قازاقستان — 190.1663
تايلاند — 154.5151
وزبەكستان — 141.1051
بۇل سىندا ەل نامىسىن كارينا ماگرۋپوۆا، نارگيزا بولاتوۆا، كسەنيا ماكاروۆا، ايگەرىم قۇرمانعاليەۆا، اننا پاۆلەتسوۆا، ۆالەريا ستولبۋنوۆا، جاكلين ياكيموۆا مەن ۆيكتور درۋزين قورعادى.
بارلىق جارىس كۇندەرىنىڭ قورىتىندىسى بويىنشا قازاقستان كوركەم جۇزۋدەن جالپى 11 مەدال جەڭىپ الدى. اتاپ ايتساق، جەتى التىن، ەكى كۇمىس جانە ەكى قولا جۇلدە بار. وسىلايشا، ءبىزدىڭ سپورتشىلار ازيا چەمپيوناتىنىڭ جالپىكوماندالىق ەسەبىندە ءبىرىنشى ورىندى يەلەندى.
ال ارتىستىك جۇزۋدەن قازاقستان قۇراماسى تاعى ەكى مەدال جەڭىپ الدى.
جەكەلەي سايىستا (ەركىن باعدارلاما) كارينا ماگرۋپوۆا مەن ۆيكتور درۋزين جەڭىمپاز اتاندى.
ودان كەيىن ارالاس جۇپتار اراسىنداعى (ەركىن باعدارلاما) سايىستا نارگيز بولاتوۆا مەن ۆيكتور درۋزين قولا جۇلدەگە يە بولدى.
