Sý sportynan ACh: Qazaqstan júzýshileri 11 medal aldy

Búgin Úndistanda sý sporty túrlerinen Azııa chempıonatynda kórkem júzýden sońǵy júlde jıyntyǵy sarapqa salyndy, dep habarlady Týrızm jáne sport mınıstrliginiń Sportty damytý dırekııasy.

Sondaı-aq komandalyq akrobatıka básekesinde Qazaqstan quramasy qarsylas shaq keltirmeı, úzdik atandy.

Qazaqstan — 190.1663

Taıland — 154.5151

О́zbekstan — 141.1051

Bul synda el namysyn Karına Magrýpova, Nargıza Bolatova, Ksenııa Makarova, Áıgerim Qurmanǵalıeva, Anna Pavleova, Valerııa Stolbýnova, Jaklın Iakımova men Vıktor Drýzın qorǵady.

Barlyq jarys kúnderiniń qorytyndysy boıynsha Qazaqstan kórkem júzýden jalpy 11 medal jeńip aldy. Atap aıtsaq, jeti altyn, eki kúmis jáne eki qola júlde bar. Osylaısha, bizdiń sportshylar Azııa chempıonatynyń jalpykomandalyq esebinde birinshi oryndy ıelendi.

Al ártistik júzýden Qazaqstan quramasy taǵy eki medal jeńip aldy.

Jekeleı saıysta (erkin baǵdarlama) Karına Magrýpova men Vıktor Drýzın jeńimpaz atandy.

Odan keıin aralas juptar arasyndaǵy (erkin baǵdarlama) saıysta Nargız Bolatova men Vıktor Drýzın qola júldege ıe boldy.