Sý sportynan ACh: Qazaqstan vaterpolo komandalary — qola júldeger!

Úndistannyń Ahmedabad qalasynda sý sporty túrlerinen Azııa chempıonaty aıaqtaldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Týrnırdiń sońǵy kúninde sý dobynan Qazaqstan erler jáne áıelder quramalary úshinshi oryn úshin ótken matchtarda baq synap, qola medal ıelendi. Erler quramasy tartysty oıynda Japonııa komandasyn 16:14 esebimen jeńdi.

Áıelder quramasy Taıland sportshylarymen kezdesip, oıynnyń negizgi ýaqyty 6:6 esebimen teń aıaqtalyp, jeńimpazdar komanda saıys sońyndaǵy penaltı serııasynda anyqtaldy. Nátıjesinde, arýlarymyz dáldik tanytyp, 3:2 esebimen qarsylastarynan basym tústi. Qorytyndy esep – 9:8.

Osylaısha, Qazaqstan erler jáne áıelder komandalary Azııa chempıonatynyń qola júldesine ıe boldy.