Jany jomart jan edi

Jomarttyq adam boıyna týa bitetin qasıet sekildi. Keıbir jomart jandar ózi emes ózgeniń jaǵdaıyn oılap turady. О́ıtkeni, oǵan Alla násip etip, týa bitken qanmen kelgen qasıet ony eshqandaı ózgerte almaısyń.

Qazaqta atymtaı jomarttar esepsiz kóp bolǵan. Sondyqtan da bolar qazaqtyń dalasyndaı darhan minezdi, keńpeıildi jomarttyǵynyń arqasynda elimiz aman, jurtymyz tynysh ómir súrip jatqanymyz. Qonaǵyna jalǵyz atyn mingizip jiberip, júginen ustap qalatyn qazaqtaı halyq jer betinde joq shyǵar, sirá. Adamnyń jomarttyǵy jaıly sóz qozǵaǵanda qaltasyndaǵy sońǵy tıynyn muqtaj janǵa qaǵyp berip ózi kóńili toq qala beritin bir jan týraly aıtqymyz keledi. Ol biz kórip bilgen Nurbol Rysqululy Ilııasov edi.

Nurbol Rysqululy Ilııasov Almaty oblysy, Raıymbek aýdany, Aqbeıit aýylynda 1958 jyly dúnıege kelgen. Ákesi Rysqul men anasy Baqtyhan 5 ul, 1 qyz tárbıelep ósirgen aýyl-aımaqqa qurmetti jandar bolǵan.

Aýzyn ashsa júregi kórinetin aqkóńil Nurbol «Mende joq, bilmeımin», degen sóz tirkesterin ómiri aıtpaıtyn jannyń biri edi. Jáne de qashan kórseń bir jandy janyna ertip alyp, qamqorlyq qoldaýyn jasap júretin. «Sonda óziniń ómiri, sharýasy, bala-shaǵasyn oılamaı ma?», – degen zańdy suraq týatyny ras. «Iá, ol otbasynda balalaryna úlgili áke, qazan-oshaǵynyń qamqorshysy peıili keń, jany darhan jan bolatyn», — dep eske alady birge júrgen qurby-qurdastary.

«Jaqsynyń qoly uzyn, jaqsylyqtyń joly uzyn», degen babalarymyz. Aınalasyna tek jaqsylyq nuryn shashyp júretin azamat osyndaı bolǵan. Sonymen qatar Nurboldyń taǵy bir erekshe qyry sportqa óte jaqyn bolǵany. Sportshy bolyp taý qoparyp tas jarmasa da óziniń qumarlyǵy men janashyrlyǵynyń arqasynda bildeı bir aýdannyń fýtbolyn kóterýge zor úlesin qosqan azamat.

Aıtalyq, ózi turǵan Almaty oblysy, Ile aýdany, О́tegen kentinde kezinde «Otan» degen fýtbol komandanyń qurylýyna yqpal bolyp, respýblıkalyq deńgeıge deıin jetkizgen komandanyń ári basshysy, demeýshisi, ári janashyr jankúıeri bolǵanyn jergilikti sport súıer halyq umytpaıdy. «Otan» komandasynyń asyǵy alshysynan túsip turǵan jyldary «Otan» komandasy 7 márte Ile aýdanynyń chempıony, 3 ret aýdan chempıonatynyń jeńimpazy, 9 dúrkin aýdan kýbogynyń ıegeleri. 6 márte Almaty oblysynyń chempıondary jáne 1 ret Almaty qalasynyń chempıondary atanǵan eken.

Iá, ómir bar jerde ólim bar. «Qaza qas pen kózdiń arasynda», demekshi, ardaqty azamat, jany jomart jan, sport janashyry Nurbol Ilııasovtyń ortamyzdan baqılyq dúnıege ketkenine de mine, bir jyl óte shyǵypty. Qanshama adamǵa sharapaty tıgen asyl azamatty ómirdegi jarqyn jolyn umytpaý maqstynda óziniń dos-jarandary men týǵan-týystary jıylyp ardagerler arasynda fýtboldan Almaty oblysynyń jarysyn uıymdastyrǵan eken. Bul jarystyń ereksheligi de sol oıyn alańynda tipti jetpistiń jotasynan asqan ardager sportshylar da kelip baqtaryn synady. Kezinde teńbil dopty urshyqsha ıirgen aǵa býyn ókilderi, sheberlikteri áli de boılarynda bar ekenin tartysty oıyn órnekterimen kórsetip kópshilik kóremenderin tánti etti.

Dúbirli jarysty uıymdastyrýǵa uıytqy bolǵan Narynqol óńiriniń sportyn damytýǵa úlesin qosqan sport ardageri, qurmetti jan Janteli Muqı, belgili sport jýrnalısi Álim Anapııanov pen Nurbol Ilııasovtyń ózi qurǵan «Otan» komandasynyń Bolathan Aqsholaqov bastaǵan ardagerleri barynsha atsalysyp, týrnırdiń jaqsy ótýine zor úlesterin qosypty. Sonymen birge О́tegen kentindegi Balalar men jasóspirimder sport mektebiniń dırektory, QR eńbegi sińgen jattyqtyrýshy Qapar Raýanov týrnır ıesi marqum Nurbol Ilııasov pen aǵa-ini bolyp, túıeniń eki órkeshindeı Ile aýdanynyń sportynyń aıaǵynan tik turýyna birigip, tabandy jumys jasaǵan jandar. Sondyqtan da aıtýly jarystyń Balalar men jasóspirimder sport mektebinde jalaýyn kóterýi sonyń bir aıǵaǵy bolsa kerek. Nurbol Rysqululyna degen qurmet, qoldaý osyndaı ıgilikti is-sharalarmen jalǵasqanyna baýyrlary, zaıyby Nurǵaısha men kóziniń aǵy men qarasy Almat pen Merýert dán rıza. Sonymen kún uzaq jeńis úshin jan alysyp jan berisken oıyndardyń nátıjesi boıynsha ardager komandalardyń arasynan ozyp alǵa shyqqandary da belgili boldy. Tartysqa tola ótken kezdesýlerdiń bárinde jeńiske jetken «Sultan qorǵan» komandasy týrnır jeńimpazy atandy.

Ekinshi oryndy «Saryjaz» komandasy jeńip alsa, júldeli úshinshi oryndy qazaq kúresinen eki dúrkin álem chempıony Baýyrjan Tálip bastap kelgen «Kegen» ardagerler komandasy ıelendi.

Jarys sońynda jeńimpazdar men júldeger komandalar uıymdastyrýshylardyń qoldarynan saltanatty túrde marapattaryn alyp erekshe qýanyshqa bólendi. Jarysty uıymdastyrýshylar aldaǵy jyly qoldaý kómek bolyp jatsa týrnırdi dástúrli etip, aýqymyn keńeıtý týraly sóz aıta ketti.

Hadıste «adamnyń jaqsysy, aınalasyna paıdasy tıgeni», degen sóz bar. Beskúndik qysqa ǵumyrynda artyna jaqsy sóz, izgilikti iz qaldyra bilgen jany jomart jan, sport janashyry Nurbol Rysqululy Ilııasovtyń atyndaǵy alaman jarys keler jyly da jalǵasyn taýyp jatsa, О́tegen aýylynyń sport qumar qaýymyna ásirese, ardagerler sportynyń jańǵyrýyna úles qosatyn izgilikti shara bolar edi.

 

Aqyn ORDABAIULY,

Almaty oblysy