IV Kenjalın oqýlary: jahandyq kommýnıkaııa jáne jasandy ıntellekt

Ál-Farabı atyndaǵy QazUÝ-dyń jýrnalıstıka fakýltetinde Beıbitshilik pen damý jolyndaǵy dúnıejúzilik ǵylym kúnine arnalǵan «Jahandyq kommýnıkaııa: órkenıettik damýdyń ulttyq aqparattyq modeli jáne jasandy ıntellekt» taqyrybynda halyqaralyq ǵylymı-tájirıbelik konferenııa jáne IV dástúrli Kenjalın oqýlary ótti, dep habarlady IýNESKO-nyń jýrnalıstıka jáne kommýnıkaııa kafedrasy.

IýNESKO-nyń jýrnalıstıka jáne kommýnıkaııa kafedrasy uıymdastyrǵan sharanyń negizgi maqsaty — jahandaný dáýirindegi aqparattyq medıa saıasattaǵy ult biregeıligi máseleleri, jasandy ıntellektiniń buqaralyq aqparat quraldaryna degen oń jáne teris yqpaldaryn talqylaýǵa baǵyttaldy.

Jıynǵa ýnıversıtet basshylyǵy, sheteldik jáne otandyq ǵalymdar, qoǵam qaıratkerleri, medıa jáne JI salasynyń mamandary jáne bilim alýshy jastar qatysty.

Jıynda sóz alǵan áleýmettik damý jónindegi prorektor Baqytjan Omarov: «Kenjalın oqýlary – jas býyndy kásibı jaýapkershilikke, ulttyq rýhqa jáne ádil aqparat taratý mádenıetine tárbıeleıtin erekshe mektep. Bul – ǵylym men jýrnalıstıkanyń toǵysqan tusy», – dedi. Sondaı-aq ol zeıindi zertteýshi, qaıratker ári qalamger J.Kenjalınniń ulttyq aqparattyq keńistiktiń damýyna qosqan zor úlesin atap ótti.

-Qazaq jýrnalıstıkasynyń damýyndaǵy J.Kenjalınniń esimi – adaldyq pen jaýapkershiliktiń sımvoly. Ol redaktor retinde de, ǵalym retinde de ár sózdiń salmaǵyn sezinetin tulǵa edi. Kenjalın jýrnalıstıkany halyqqa qyzmet etýdiń bıik minberi dep túsindi. Onyń eńbekteri búgingi jas jýrnalısterge úlgi bolyp qala beredi, – dedi jıynda sóz alǵan professor Namazaly Omashev.

BUU Jahandyq kommýnıkaııalar departamentiniń ókili jáne Qazaqstandaǵy BUU Turaqty úılestirýshisi Vlastımıl Samek qazirgi tańda jasandy ıntellektiniń órkenıettik damýdaǵy alar úlesiniń mańyzdylyǵyna toqtala kelip, BUU-nyń Bas hatshysy Antonıý Gýterrıshtiń Jasandy ıntellekti týraly BUU-nyń jaqyndaǵy sessııasynda arnaıy baıandama jasap, «Innovaııalardyń barlyǵy tek qana adamzattyń ıgiligi maqsatynda ǵana qyzmet etip, qoldanylýy kerek» degen sózin alǵa tartty.

«Alatau-Aqparat» medıa holdınginiń Bas dırektory Erjan Tólek Qazaqstannyń aqparattyq keńistigin qazirgi jaǵdaıda úsh deńgeıli júıe arqyly qorǵaý mańyzdylyǵyna toqtalyp, olardy bylaısha sanamalap berdi: Birinshi – ulttyq aqparattyq keńistik, ekinshi – Orta Azııalyq aqparattyq keńistik, úshinshi – Túrki áleminiń ortaq aqparattyq sheńberi.

Sonymen qatar halyqaralyq shara barysynda Sankt-Peterbýrg memlekettik ýnıversıteti jýrnalıstıka jáne buqaralyq kommýnıkaııa joǵary mektebiniń professory, saıasattaný ǵylymdarynyń doktory I.A. Bykov, Qazaqstannyń avıaııalyq ákimshiliginiń kommýnıkaııalar jónindegi dırektory Qumarova Merýert jáne IýNESKO-nyń jýrnalıstıka jáne kommýnıkaııa kafedrasynyń meńgerýshisi O.J. Oshanova ulttyq aqparattyq damý kontekstindegi JI saýattylyǵy týraly óz oılaryn ortaǵa saldy.

Sondaı-aq konferenııa aıasynda jınalǵandar medıamádenıettiń transformaııasy, ıfrlyq jýrnalıstıka jáne jasandy ıntellektiniń etıkalyq qyrlaryna toqtalyp, aqparattyń shynaıylyǵy men medıasaýattylyqtyń mańyzdylyǵy, jahandyq aqparattyq keńistiktegi ulttyq biregeılikti qalyptastyrýdaǵy ýaqyt alǵa tartyp otyrǵan máselelerdi jan-jaqty talqylady.

ALMATY