SportPress.kz Qazaqstan sport jańalyqtary
Gennadıı Golovkın Italııanyń Rım qalasynda ótken kongreste Halyqaralyq World Boxing federaııasynyń prezıdenti bolyp saılandy. Bul týraly Ulttyq Olımpııalyq komıtet habarlady.
Ol halyqaralyq sport federaııasyn basqaryp otyrǵan alǵashqy Qazaqstan azamaty retinde tarıhqa endi. О́kilettik merzimi — úsh jyl.
-Men boksqa qatysty joldyń barlyq kezeńinen óttim. Sportshy bolyp, Olımpııalyq oıyndarda el namysyn qorǵadym. Keıin álem chempıony atandym. Endi mine, sport salasynda kóshbasshy retinde qyzmet etip kelemin.
Men munda bokstyń bolashaǵy úshin jumys isteýge keldim.
Halyqaralyq Olımpııalyq komıtet Olympism365 komıssııasynyń múshesi ári World Boxing Olımpıadalyq komıssııasynyń tóraǵasy retinde jaqsy biletinim: ádil basqarý — sportshylardy jáne bizdiń sportty qorǵaıtyn basty tetik.
Búgin biz alǵa qaraı mańyzdy qadam jasap otyrmyz. Biz sportshylar senetin, Olımpııalyq qaýymdastyq qurmetteıtin federaııaǵa aınalýymyz kerek.
Árbir boksshy ádil ári qaýipsiz sportta ósip, damysa deımin. Biz táýelsiz bolamyz. Biraq Olımpııalyq qundylyqtardy qurmettep, ádildik, teńdik jáne sportshyny qorǵaý qaǵıdalaryna saı jumys isteımiz.
Qoldaý kórsetip, senim bildirgenderińiz úshin bárińizge alǵys aıtamyn, — dedi Gennadıı Golovkın.
Kongresste World Boxing uıymynyń basqarý organdaryna saılaý boldy. Sonymen qatar federaııa reglamentine qatysty máseleler, halyqaralyq kúntizbe jáne uıym qurylymyn damytý taqyryptary qaraldy.
Qabyldanǵan barlyq sheshim uıym jarǵysyna tolyq sáıkes ótti. Ár másele jeke daýysqa salynyp, delegattardyń basym bóligi qoldaǵannan keıin ǵana bekitildi. Daýys berýge barlyǵy 58 ulttyq federaııa ókili qatysty.
World Boxing — 2023 jyldyń sáýir aıynda qurylǵan halyqaralyq boks federaııasy. 2024 jyldyń qyrkúıeginde Gennadıı Golovkın uıymnyń jańa Olımpııalyq komıssııasynyń tóraǵasy boldy.
2025 jyldyń aqpanynda Halyqaralyq Olımpııalyq komıtet World Boxing uıymyn ýaqytsha moıyndap, oǵan boksty álemdik deńgeıde basqarý quqyǵyn berdi. Al naýryz aıynda HOK boksty Los-Andjeleste ótetin 2028 jylǵy Olımpıada baǵdarlamasyna resmı túrde engizý týraly sheshim qabyldady.
Qazirgi tańda World Boxing quramyna 136 el kiredi.
Qazaqstan Respýblıkasynyń prezıdenti Qasym-Jomart Toqaev Gennadıı Golovkındi World Boxing halyqaralyq boks federaııasynyń prezıdenti bolyp saılanýymen quttyqtady.
-Bul — Gennadıı Golovkınniń eren eńbegine berilgen laıyqty baǵa. Dańqty otandasymyz olımpıadalyq sport túri boıynsha halyqaralyq federaııany basqaratyn Qazaqstannyń alǵashqy ókili atandy, — dedi ol.
Gennadıı Golovkın halyqaralyq sport federaııasyn basqaratyn alǵashqy Qazaqstan azamaty bolyp otyr. О́kilettik merzimi — úsh jyl.
