Qanat Islamnyń jekpe-jegi taǵy keıinge qaldy

Kásipqoı boksshy Qanat Islam Almatyda bolatyn jekpe-jeginiń keıinge shegerilgenin aıtty.

Onyń aıtýynsha, 27 jeltoqsanǵa josparlanǵan boks keshine qatysa almaıdy.

– Qurmetti jankúıerlerim, men 27-jeltoqsanda Almatyda bolatyn boks keshine qatyspaımyn. Buǵan birneshe sebep bolyp tur. Sonyń biri qarsylastarǵa baılanysty másele týyndady. Eger bári oıdaǵydaı bolsa, jekpe-jek shamamen bir jarym aıǵa keıinge qalady. Naqty kúni belgili bolǵanda mindetti túrde habarlaımyz, – dedi ol áleýmettik jelidegi paraqshasynda.

Onyń jasy 41-de. Ol  2008 jylǵy Beıjiń Olımpıadasynyń qola júldegeri.

Qanat Islam kásipqoı boksta birqatar jetistikke jetken. Ol birinshi orta salmaqta WBA Inter-Continental, WBO NABO, WBO Inter-Continental, WBA Fedelatin jáne WBA Fedecaribe tıtýldarynyń ıegeri.

Dastan KENJALIN,

ASTANA