احمادي ماحانوۆ ەۋروپادا ۇزدىك ويىنشى اتاندى

14 جاستاعى احمادي ماحانوۆ 2025 جىلدىڭ قورىتىندىسىمەن ەۋروپا تەننيس قاۋىمداستىعىنىڭ (Tennis Europe Tour) «ۇزدىك شەتەلدىك ويىنشى» اتاعىنا يە بولدى. ول ەۋروپا وداعىنا كىرمەيتىن مەملەكەتتەر اراسىنان ۇزدىك شىقتى، دەپ حابارلادى قازاقستان تەننيس فەدەراتسياسى.

جاس تەننيسشى بيىل جاقسى ناتيجە كورسەتتى. سونىڭ ارقاسىندا ول 16 جاسقا دەيىنگىلەر اراسىندا ەۋروپا تەننيس قاۋىمداستىعى رەيتينگىسىندە 24-ورىنعا شىقتى.

بيىلعى ماۋسىمدا احمادي ستوكگولمدە 14 جاسقا دەيىنگىلەر اراسىندا ءداستۇرلى تۇردە Tennis Europe سۋپەر ساناتى بويىنشا بويىنشا وتەتىن كورول كۋبوگىندا جەكەلەي سىندا الدىنا جان سالمادى. جۇپتىق سىندا اۆەنيۋ كۋبوگى، تيم ەسسون مەن برسەلاۆ وۋپەن جارىستارىندا جەڭىمپاز اتاندى. سونداي-اق جەكەلەي سىندا Tennis Europe دوداسىندا فينالعا دەيىن جەتتى.

احمادي ماحانوۆ — اقتوبە تەننيس مەكتەبىنىڭ تۇلەگى. ول Team Kazakhstan اكادەمياسىندا تىركەلگەن. جەكە جاتتىقتىرۋشىسى — پاۆەل تسوي.

بۇعان دەيىن وسى اتاقتى 2021 جىلى زارا داركەن  العان.  ءبىر جىلدان كەيىن زاڭعار نۇرلان ۇلى يە بولدى. 2023 جىلى ەۆا كورىشەۆا مەن دانيەل تازابەكوۆتىڭ مەرەيى ۇستەم بولدى. ال وتكەن جىل سوڭىندا اڭسار نيەتقاليەۆ ماراپاتتالدى.