تالعات بايسۋفينوۆ – قازاقستان ۇلتتىق قۇراماسىنىڭ باس جاتتىقتىرۋشىسى

قازاقستان فۋتبول فەدەراتسياسى قازاقستان ۇلتتىق قۇراماسىنىڭ باس جاتتىقتىرۋشىسى قىزمەتىنە تالعات ءبايسۋفينوۆتىڭ تاعايىندالعانىن حابارلادى.

تالعات بايسۋفينوۆ 2025 جىلدىڭ قازانىندا ۇلتتىق قۇراما تىزگىنىن ءۇشىنشى رەت ۇستادى. ونىڭ جەتەكشىلىگىمەن كوماندا 2026 جىلعى الەم چەمپيوناتىنىڭ ىرىكتەۋ كەزەڭىندە بىرنەشە ماتچ وينادى اتاپ ايتقاندا، قازاقستان ۇلتتىق قۇراماسى ليحتەنشتەيندى 4:0 ەسەبىمەن جەڭىپ، سولتۇستىك ماكەدونيا (1:1) مەن بەلگيا (1:1) قۇرامالارىمەن تەڭ ءتۇستى.

بۇعان دەيىن تالعات بايسۋفينوۆ 2016-2017 جانە 2020-2022 جىلدار ارالىعىندا ۇلتتىق قۇرامانىڭ باس جاتتىقتىرۋشىسى قىزمەتىن ەكى رەت اتقاردى.

تالعات بايسۋفينوۆ بىرقاتار وتاندىق فۋتبول كلۋبىندا باپكەر بولدى. ءار جىلدارى «ەسىل-بوگاتىر» (پەتروپاۆل)، «اقسۋ»، «ەرتىس» (پاۆلودار)، «اقجايىق» (ورال) كلۋبتارىن باسقارىپ، سونداي-اق قازاقستان جاستار قۇراماسىمەن جۇمىس ىستەدى.

ول فۋتبولشى بولىپ «ەرتىس»، «مەتاللۋرگ»، «ەڭبەك»، «ەكيباستۋزەتس»، «جەتىسۋ» جانە «ۆوستوك» كلۋبتارىندا وينادى.