Talǵat Baısýfınov – Qazaqstan ulttyq quramasynyń bas jattyqtyrýshysy

Qazaqstan fýtbol federaııasy Qazaqstan ulttyq quramasynyń bas jattyqtyrýshysy qyzmetine Talǵat Baısýfınovtiń taǵaıyndalǵanyn habarlady.

Talǵat Baısýfınov 2025 jyldyń qazanynda ulttyq qurama tizginin úshinshi ret ustady. Onyń jetekshiligimen komanda 2026 jylǵy álem chempıonatynyń irikteý kezeńinde birneshe match oınady Atap aıtqanda, Qazaqstan ulttyq quramasy Lıhtenshteındi 4:0 esebimen jeńip, Soltústik Makedonııa (1:1) men Belgııa (1:1) quramalarymen teń tústi.

Buǵan deıin Talǵat Baısýfınov 2016-2017 jáne 2020-2022 jyldar aralyǵynda ulttyq quramanyń bas jattyqtyrýshysy qyzmetin eki ret atqardy.

Talǵat Baısýfınov birqatar otandyq fýtbol klýbynda bapker boldy. Ár jyldary «Esil-Bogatyr» (Petropavl), «Aqsý», «Ertis» (Pavlodar), «Aqjaıyq» (Oral) klýbtaryn basqaryp, sondaı-aq Qazaqstan jastar quramasymen jumys istedi.

Ol fýtbolshy bolyp «Ertis», «Metallýrg», «Eńbek», «Ekıbastýze», «Jetisý» jáne «Vostok» klýbtarynda oınady.