UEFA چەمپيوندار ليگاسى: «قايرات» قوماقتى پايدا تاپتى

2025/26 جىلعى ماۋسىمدا UEFA چەمپيوندار ليگاسىن نەگىزگى كەزەڭىندە ءوز تاريحىندا العاش رەت ويناعان الماتىنىڭ «قايرات» كلۋبىنىڭ قانشا پايدا تاپقانى بەلگىلى بولدى.

«قايرات» سەگىز ماتچتا ءبىر ۇپاي الدى. الماتىنىڭ كلۋبى پورتۋگاليانىڭ «سپورتينگ» كومانداسىنان 1:4، يسپانيانىڭ «رەال مادريدىنەن» 0:5، يتاليانىڭ «ينتەرىنەن» 1:2، گرەكيانىڭ «وليمپياكوسىنان» 0:1، دانيانىڭ «كوپەنگاگەنىنەن» 2:3، بەلگيانىڭ «بريۋگگەسىنەن» 1:4، انگليانىڭ «ارسەنالىنان» 2:3 ەسەبىمەن جەڭىلىپ، كيپردىڭ «پافوسىمەن»  عانا 0:0 ەسەبىمەن وينادى.

«قايرات» چەمپيوندار ليگاسىن نەگىزگى كەزەڭىنە شىققانى ءۇشىن 18،62 ميلليون ەۋرو (11،23 ميلليارد تەڭگە) پايدا تاپتى. نەگىزگى كەزەڭدەگى ءبىر تەڭ ويىن ءۇشىن كومانداعا تاعى 19،32 ميلليون ەۋرو (11،65 ميلليارد تەڭگە) ءتۇستى.

ەۋروكۋبوك ماۋسىمى اياقتالعاننان كەيىن بۇل اقشاعا تەلەۆيزيالىق جانە ماركەتينگتىك قۇقىقتى ساتۋدان تۇسكەن تولەم قوسىلادى.

داستان كەنجالين،

استانا