Jany saýdyń táni saý Spartakıadasy

Halyq arasynda «Sport densaýlyqtyń kepili», degen tálsim bar. Sportpen aınalysyp, densaýlyǵyn jaqsartý jolynda áreket jasap júrgen jandardy kórip rıza bolatynymyz ras. О́ıtkeni olar óz densaýlyǵyn saýyqtyrý arqyly aınalaǵa úlgi-ónege bolady. Negizi ómirin sportpen órnektegen jandar úshin kún saıynǵy jattyǵýdan alǵan sheberlikterin jarystarda bir synap turýdyń da mańyzy zor.

О́tken aptanyń aıaǵynda Almatydaǵy K. Ahmetov atyndaǵy Olımpıadalyq rezerviniń respýblıkalyq mamandandyrylǵan mektep-ınternat kolledjdiń shańyraǵynda osy sport mekemesindegi qyzmetkerler men ustazdar arasynda tartysty ótken Spartakıada oıyndary bolyp ótti.

Bul Spartakıadada ujym qyzmetkerleri sporttyń darts, sýǵa júzý, arqan tartý, voleıbol jáne shaǵyn fýtbol túrlerinen synǵa túsip, jeńis úshin aıanbaı bar sheberlikterin kórsetti. Jasóspirmderge tálim-tárbıe berip júrgen ujym qyzmetkerleri sportta qara jaıaý emes ekendikterin tartysty ónerleri arqyly pash etti. Kún uzaq keskilesken, surapyl, joıqyn oıyndardyń nátıjesinde topjaryp shyqqandar qas-qaraıa anyqtaldy.

Aıtýly mektep-ınternat kolledjdiń dırektory Jaıdar Saılaýbaev bastap shyqqan ákimshilik bólimi voleıbol, fýtbol, sýǵa júzý saıystarynda joǵary deńgeıde oıyn órnegin kórsetip, jalpy komandalyq bas kýbokty jeńip aldy. Al ekinshi kúmis júlde «Sport bóliminiń» qyzmetkerlerine tabys etilse, qola júlde «Oqý bóliminiń» komandasyna buıyrdy. Mekeme qyzmetkerleri úshin bul Spartakıada bir sát bir-birimen aralasyp, syrlasyp, dostyq jibin jalǵaı túsýge zor múmkindik bergen demalys boldy dese bolady.

Hadıste: «Jemit qaryn, artyq et aram et», degen sóz bar bolsa, densaýlyqqa kóńil bólip, sportty ómiriniń serigi etip, qoǵamda belsendi bolýdyń adamzat úshin mańyzy aıyryqsha dep bilemiz. Symbatty, sulý kóriný úshin de sporttyń bereri mol. «Jany saýdyń táni saý» bolatyny anyq.

Bul jarysty uıymdastyrýdaǵy da basty maqsat — salaýatty ómir saltyn jańǵyrtý. Endeshe, dostyq qatynasta nyǵaıtyp, densaýlyǵyn jaqsartyp jastarǵa úlgi bolatyn osyndaı alaman jarystar ár mekemelerde ótip tursa abzal bolmaq.

Aqyn ORDABAIULY,

ALMATY