«Belgrad Arenada» Qazaqstannyń týrıstik áleýeti nasıhattaldy

Serbııanyń astanasy Belgrad qalasynda Eýropadaǵy eń aýqymdy sporttyq oqıǵalardyń biri boldy.

Bul jerde basketboldan Belgradtyń «Partızan» men Afınanyń «Panatınaıkos» klýbtary arasyndaǵy Eýrolıgasynyń matchy aıasynda elimizdiń týrıstik áleýeti, sondaı-aq, Astana – Belgrad tikeleı áýe reısiniń jýyrdaǵy ashylýy tanystyryldy.

Qazaqstan Elshiliginiń bastamasymen «Belgrad Arenada» ótken matchta jınalǵan 18 myń kórermenniń arasynda ınteraktıvti akııa uıymdastyrylyp, kezdeısoq tańdalǵan jankúıerler «Partızan» klýby usynǵan aıyp dobyn laqtyrý konkýrsyna qatysý múmkindigine ıe boldy.

Oıyn jeńimpazyna arnalǵan júlde – Qtýrızm, azaqstanǵa eki adamǵa arnalǵan týrıstik sapar sertıfıkatyn Qazaqstan Respýblıkasynyń Serbııadaǵy Elshisi Mádı Atamqulov tabys etti. Dıplomat jeńimpazdy quttyqtaı otyryp, kópmyńdyq aýdıtorııany Qazaqstanǵa saıahattaýǵa shaqyrdy.

Konkýrs atmosferasyn arenanyń ekrandarynda kórsetilgen «Born Bold Kazakhstan» týrıstik rolıkteri, qazaqstandyq SCAT Airlines áýe kompanııasy ashqan Astana – Belgrad tikeleı reısiniń promobeınejazbasy, sondaı-aq basketbol jankúıerlerine «Born Bold Kazakhstan» jazýy bar fýtbolkalar men beısbolkalardy taratqan qazaqtyń ulttyq kıimindegi qyzdar kózge aıshyqtaı tústi.

Basketbol Eýrolıgasy tanymaldylyǵy men medıa qamtýy boıynsha qurlyqtaǵy sporttyq jarystar arasynda ekinshi orynda tur. Eýrolıganyń turaqty maýsymy álemniń 199 elinde kórsetiledi. Teledıdardy 1 mıllıardtan astam kórermen qaraıdy.

Konkýrs jeńimpazdarynyń áýe bıletterin satyp alýǵa baılanysty barlyq shyǵyndar serbııalyq týrıstik uıymdastyrýshylar men kásipker Dragısha Martınovıch tarapynan tolyqtaı óteledi.

Seıilhan ÁÝBÁKIROV