بەلگىلى قالامگەر عالىم سۇلەيمەنوۆ ومىردەن ءوتتى

قازاق جۋرناليستيكاسىندا وزىندىك قولتاڭباسىن قالدىرعان قالامگەر، سپورت ءجۋرناليسى عالىم قاماش ۇلى سۇلەيمەنوۆ ومىردەن ءوتتى.

عالىم سۇلەيمەنوۆ 1975 جىلى 28 ساۋىردە الماتى قالاسىندا تۋعان. 1994 جىلى اباي اتىنداعى الماتى مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن.

1994 جىلى جۋرناليستىك جولىن «وركەن-گوريزونت» گازەتىندە باستاپ، «ساقشى»، «نا ستراجە» باسىلىمدارىندا جۇمىس ىستەدى.

1996–2004 جىلدارى «ەگەمەن قازاقستان» گازەتىندە سپورت شولۋشىسى بولىپ قىزمەت ەتتى. 2004 جىلى «Sports&kz» گازەتىنىڭ باس رەداكتورى قىزمەتىنە تاعايىندالدى.

«ايقىن» رەسپۋبليكالىق گازەتىندە سپورت شولۋشىسى بولىپ، «بەرەن» سپورت جۋرنالىنىڭ جۇمىسىنا اتسالىستى.

2010 جىلى قازاقستان اۋىر اتلەتيكا فەدەراتسياسىنىڭ ءباسپاسوز حاتشىسى قىزمەتىنە كىرىستى. سوڭعى كەزدە «Egemen Qazaqstan» گازەتىندە جۋرناليستىك قىزمەتىن اتقارا ءجۇرىپ، You Tube جەلىسىندە «بەرەن/Beren live» كانالىن جۇرگىزدى. ول سونىمەن بىرگە قازاق تەلەۆيزياسىندا كوپتەگەن سپورت جارىستارىن جۇرگىزىپ، كوممەنتاتور بولدى.

عالىم قاماش ۇلى — قازاقستان رەسپۋبليكاسى پرەزيدەنتى سىيلىعىنىڭ ستيپەنديانتى، سەيداحمەت بەردىقۇلوۆ اتىنداعى سىيلىقتىڭ ەكى دۇركىن لاۋرەاتى.

SportPress.kz اقپاراتتىق-ساراپتامالىق سپورت سايتى ارىپتەسىمىزدىڭ تۋىستارى مەن جاقىندارىنا كوڭىل ايتادى. مارقۇمنىڭ يمانى سالامات، جانى ءجانناتتا بولسىن.