SportPress.kz Qazaqstan sport jańalyqtary
Qazaq jýrnalıstıkasynda ózindik qoltańbasyn qaldyrǵan qalamger, sport jýrnalısi Ǵalym Qamashuly Súleımenov ómirden ótti.
Ǵalym Súleımenov 1975 jyly 28 sáýirde Almaty qalasynda týǵan. 1994 jyly Abaı atyndaǵy Almaty memlekettik ýnıversıtetiniń fılologııa fakýltetin bitirgen.
1994 jyly jýrnalıstik jolyn «О́rken-Gorızont» gazetinde bastap, «Saqshy», «Na straje» basylymdarynda jumys istedi.
1996–2004 jyldary «Egemen Qazaqstan» gazetinde sport sholýshysy bolyp qyzmet etti. 2004 jyly «Sports&kz» gazetiniń bas redaktory qyzmetine taǵaıyndaldy.
«Aıqyn» respýblıkalyq gazetinde sport sholýshysy bolyp, «Beren» sport jýrnalynyń jumysyna atsalysty.
2010 jyly Qazaqstan Aýyr atletıka federaııasynyń baspasóz hatshysy qyzmetine kiristi. Sońǵy kezde «Egemen Qazaqstan» gazetinde jýrnalıstik qyzmetin atqara júrip, You Tube jelisinde «Beren/Beren live» kanalyn júrgizdi. Ol sonymen birge qazaq televızııasynda kóptegen sport jarystaryn júrgizip, kommentator boldy.
Ǵalym Qamashuly — Qazaqstan Respýblıkasy Prezıdenti syılyǵynyń stıpendıanty, Seıdahmet Berdiqulov atyndaǵy syılyqtyń eki dúrkin laýreaty.
SportPress.kz aqparattyq-saraptamalyq sport saıty áriptesimizdiń týystary men jaqyndaryna kóńil aıtady. Marqumnyń ımany salamat, jany jánnatta bolsyn.
