«Namys» klýbynyń jaýyngerleri el namysyn qorǵady

Úndistannyń Pındjap qalasynda 23-25 qazan aralyǵynda Arashi MMA aralas jekpe-jekten álem chempıonatyna qatysqan «Namys» top team aralas jekpe-jek klýbynyń eki jattyqtyrýshysy men eki jaýyngeri tórt birinshi oryndy ıelendi.

Sonymen birge Jasulan Bekbolatuly, Nurhan Asqarov, Álı Kenjal men Álı Ermekov altyn júldeni jeńip aldy. Al bul jeńis ózdiginen kelgen joq. Jattyqtyrýshylar Bekbolat Saǵıev pen Jasulan Bekbolatulynyń qajyrly eńbegi nátıjesin berdi. Bul komanda budan buryndary da halyqaralyq jarystarda, álem chempıonattary men jekpe-jek saıystarynda altynnan alqa taǵyp, el namysyn abyroımen qorǵaǵan.

Nurhan Asqarov, Dýlathan Ersultan, Kenjal Álı, Álı Ermekov, Bekbolat Ámirálı, Islam Qýanyshuly, Islam Muqanov, Ermek Maǵjan men basqa da  jekpe-jek sheberleri álemdik dodalarda tek jeńis bıiginen kórindi.

Qazir elimizde aralas jekpe-jekke qyzyǵýshylar jyldan jylǵa kóbeıip keledi. Sol sebepten bolashaqta MMA kafedrasy ashylýy múmkin degen derek shyqty. NAIZA aralas jekpe-jek lıgasynyń prezıdenti Nurbek Qarabalanyń aıtýynsha, MMA kafedrasyn sport akademııalardyń birinde ashý múmkindigi qarastyrylyp jatyr.

Ońdasyn ELÝBAI,

ASTANA