Maral Tólepbergen jasóspirimder Olımpıadasynda qola júldeger atandy

Boksshy Maral Tólepbergen Senegaldyń Dakar qalasynda ótip jatqan jazǵy jasóspirimder Olımpıadasynyń jartylaı fınalynda jeńilip qaldy.

Burymdy boksshymyz 54 kelige deıingi salmaqtyń jartylaı fınalynda О́zbekstannyń ókili Sabrına Chakomanovamen qolǵap túıistirdi. Bul jekpe-jekte ózbekstandyq boksshy tóreshilerdiń sheshimimen 5:0 esebimen basym tústi.

Osylaısha Maral Tólepbergen Olımpıada oıyndaryn úshinshi orynmen aıaqtady.

Buǵan deıin Aqnur Tursynǵalı (57 kg) men Bıbarys Áshirbaı (70 kg) fınalǵa shyqqan edi.

Osylaısha, Qazaqstan quramasynyń qorjynynda bes júlde bar. Buǵan deıin dzıýdoshy Fatıma Supyǵalıeva (52 kelige deıin) men veloshabandoz Ánel Táshbaı altyn medal ıelense, trıatlonshy Ramazan Áınegov pen taekvondoshy Lıýbov Iýn (63 keliden asa) qola júldeni jeńip alǵan bolatyn.

Dastan KENJALIN,

ASTANA