Bıbarys Áshirbaı – jasóspirimder Olımpıadasynyń kúmis júldesin aldy

Boksshy Bıbarys Áshirbaı Senegaldyń astanasy Dakar qalasynda ótip jatqan IV jazǵy jasóspirimder Olımpıadasynda kúmis medal jeńip aldy.

Ol 70 kelige deıingi salmaq dárejesiniń fınalynda Ulybrıtanııa ókili Maıkl Moenmen judyryqtasty.

Úsh raýndqa sozylǵan jekpe-jekte tóreshiler 4:1 esebimen brıtandyq boksshynyń basymdyǵyn moıyndady.

Osylaısha, Bıbarys Áshirbaı Olımpıada oıyndaryn ekinshi orynmen aıaqtady.

Qazir Qazaqstan quramasynyń qorjynynda jeti medal bar. Buǵan deıin dzıýdoshy Fatıma Supyǵalıeva (52 kg) men veloshabandoz Ánel Táshbaı altyn medal alsa, boksshy Aqnur Tursynǵalı (57 kg) kúmis júldege ıe bolǵan edi. Al boksshy Maral Tólepbergen (54 kg), taekvondoshy Lıýbov Iýn (63 keliden asa) men trıatlonshy Ramazan Áınegov úshinshi oryn aldy.

Dastan KENJALIN,

ASTANA