عالىمبەك كەنجەباەۆ: «مىقتى بوكسشىنى باپكەرلەرى تاڭدايدى»

بوكستان قازاقستان جاستار قۇراماسىنىڭ اعا باپكەرى عالىم كەنجەباەۆ Vesti.kz پورتالىنىڭ تىلشىسىنە 69 كيلودا بۇعان دەيىن كوش باستاپ تۇرعان دانيار ەلەۋسىنوۆتىڭ ەكى بوكس تۋرالى ايتىپ بەردى.

— عالىم قالي ۇلى، بۇرناعى كۇنى بوكستان قازاقستان قۇراماسىندا بۋىن الماسۋ كەزەڭى ءوتىپ جاتىر. 69 كەلى سالماقتا ەلەۋسىنوۆتىڭ ورنىنا قازىر ەكى بوكسشى ۇمىتكەر. ونىڭ ءبىرى — سادريددين احمەدوۆ بولسا، ەكىنشىسى ابىلايحان ءجۇسىپوۆ. بۇل ەكى بوكسشى دا ءسىزدىڭ تاربيەڭىزدەن وتكەن. ەكى بوكسشىنىڭ مۇمكىندىكتەرى تۋرالى ايتىپ بەرىڭىزشى. بۇل بوكسشىلاردىڭ قايسىسى دانيار ەلەۋسىنوۆتىڭ ورنىن باسا الادى؟

— راسىندا، مەن بۇل ەكى بوكسىمەن دە ەكى-ەكى جىلدان جۇمىس ىستەدىم. ەكەۋىندە جاقسى بىلەمىن. ءبىز ولاردى جاقسى تاربيەلەپ شىعاردىق دەپ ويلايمىن. ولاردىڭ ءستيلىن انىقتاپ بەرەمىز. كەمشىلىكتەرىمەن جۇمىس ىستەيمىز. سونىمەن قاتار فيزيكالىق جانە پسيحولوگيالىق دايىندىقتارىمەن جۇمىس ىستەدىك.

سادريددين احمەتوۆ ەكى جىل قازاقستان جاستار قۇراماسىندا بولىپ، تۇراقتى كورسەتكىش كورسەتىپ كەلدى. بىراق كەيدە ول دا بابىنان ايىرىلىپ قالعان كەزى بولدى. سول ءۇشىن ونى دا بىرنەشە ۋاقىت باقىلىپ، قالىپقا كەلتىردىك.

ابىلايحان ءجۇسىپوۆ تە قۇرامادا ەكى جىل بولدى. ازيا چەمپيوناتى، الەم چەمپيوناتى جانە جاستار اراسىنداعى وليمپيادا ويىندارىن جەڭدى. ونىڭ ەكەۋى دە مەنىڭ شاكىرتتەرىم. سول ءۇشىن ناقتى مىناۋ مىقتى دەپ، بىرەۋگە باسىمدىق بەرە المايمى. ولاردىڭ جولى ەندى عانا ءتۇيىسىپ جاتىر. بۇعان دەيىن ولار ءارتۇرلى جاستا جانە ەكىتۇرلى سالماقتا سىنعا ءتۇسىپ ءجۇردى.

بۇلاردىڭ ارقايسىسىنىڭ ءوزىنىڭ ارتىقشىلىقتارى مەن ازدى-كەمدى كەمشىلىكتەرى بار. احمەدوۆ قارسىلاسىن ۇنەمى قىسپاققا الادى. سوققىسى دا اۋىر. ۇنەمى العا قاراي ۇمتىلادى. وسى ۋاقىتقا دەيىن ول بۇلاي جۇدىرىقتاسپاعان. بۇل ءستيلدى ءبىز وعان جاستار اراسىندا جۇرگەن كەزىندە قويىپ بەردىك. بۇل ستيلمەن ول جاقسى جۇدىرىقتاسادى. بىراق كەيدە ديستانتسيانى سەزبەي قالىپ، قولىن بوس سەرمىپ جاتادى. وسى سەكىلدى باسقا كىشىگىرىم كەمشىلىكتەر بار. ەندى سولارمەن جۇمىس ىستەۋ كەرەك.

ال ءجۇسىپوۆتىڭ مەكتەبى مەن تەحنيكاسى مىقتى. ول ويناپ ءجۇرىپ جۇدىرىقتاساتىن بوكسشىلاردىڭ قاتارىنان. ونىڭ ءستيلى احمەدوۆدىكىنە مۇلدە ۇقسامايدى. ونىڭ پسيحولوگياسى دا مىقتى. بىراق قازىر بوكس وزگەرىپ كەلەدى. بوكسشى قارسىلاسىن مىسىن باسىپ قوياتىن مىقتى سوققىسى بولۋى كەرەك. قازىر وسىعان دە ەرەكشە نازار اۋدارىلىپ وتىر. ءبىر-ەكى جاقسى سوققى كەزدەسۋدىڭ تاعدىرىن شەشىپ كەتۋى مۇمكىن.

دەگەنمەن دە ابىلايحاننىڭ تەحنيكاسى تولىققان. وزىنە كوپ سوققى دارىتپايدى. جىلدامدىعى جوعارى. سونىڭ ارقاسىندا قارسىلاسىنان ايلاسىن اسىرىپ ءجۇر. ەكى بوكسشىنىڭ دا بولاشاعى زور. تەك كەشمىلىكتەرىمەن جۇمىس ىستەۋ كەرەك. ال مەن بۇل بوكسشىلاردىڭ ىشىنەن كىمنىڭ ەلەۋسىنوۆتىڭ ورنىن باساتىنىن ناقتى ايتا المايمىن. بۇل تاڭداۋدى باس باپكەرگە قالدىرعانىمىز دۇرىس. قازىر بۇل بوكسشىلارمەن ۇلتتىق قۇرامانىڭ باپكەرلەرى جۇمىس ىستەپ جاتىر. مەنىڭ ويىمشا، ەكى بوكسشى دا وسى ەمەس.

ەسكە سالايىق، 2016 جىلى ريودا وتكەن وليمپيادا 69 كيلودا التىن العان دانيار ەلەۋسىنوۆ كاسىپقوي بوكسقا اۋىسۋ تۋرالى شەشىم قابىلداعان ەدى. قازىرگى ۋاقىتتا ۇلتتىق قۇراما ساپىندا بۇل سالماقتا ءبىرىنشى ءنومىرلى بوكسشى اتانۋعا ەكى بوكسشى — جاستار اراسىنداعى وليمپيادا ويىندارىنىڭ چەمپيونى ابىلايحان ءجۇسىپوۆ پەن جاستار اراسىنداعى الەم چەمپيونى سادريددين احمەدوۆ ءۇمىتتى.

kaz.vesti.kz