Atyraýda sporttyq festıval ótti

Atyraýda Jaýyngerlik óner qaýymdastyǵynyń uıymdastyrýymen Olımpıadalyq oıyndar sanatyna jatpaıtyn sporttyń birneshe túrinen aıtýly festıval ótti.

Oǵan jekpe-jek sportynan,  kúres túrlerinen álem chempıonattary, álem kýbogy,  Azııa chempıonaty men  halyqaralyq týrnırlerde top jaryp, Atyraý  oblysynyń ǵana emes, elimizdiń mártebesin abyroımen qorǵap júrgen sportshylar  qatysyp,  sheberlikterin kórsetti.

«Elimizde Olımpıadalyq oıyndar sanatyna kirmeıtin sporttyń birneshe túrin damytý maqsatynda Jaýyngerlik óner qaýymdastyǵy qurylǵan edi. Onyń quramyna karate túrleri, mýaı-taı, kıkboksıng, MMA, pankratıon, grepplıng, ý-shý, belbeý kúresi, sambo, taekvondo GTF, jekpe-jek saıystary, djıý-djıtsý syndy 20-ǵa tarta sporttyq  federaııalar kiredi. Bıylǵy jyldyń basynan beri Assoıaııa aıasynda birneshe mańyzdy is-sharalar júzege asty. Qaýymdastyq quramyna qosylǵan sport túrlerinen elimizdiń qurama komandalary  álemdik dodalarǵa qatysyp, qomaqty júldemen oralyp júr. Qurama komandalar sapynda atyraýlyq sańlaqtar da bar. Mine, osyndaı chempıondarymyz qala turǵyndary men qonaqtary aldynda ózderiniń sheberlikterin pash etti.

Sporttyq festıvaldiń muraty – jas urpaqty salaýattylyqqa baýlý. Atyraý oblystyq deneshynyqtyrý jáne sport basqarmasynyń qoldaýymen Jaýyngerlik óner assoıaııasynyń ótkizgen festıvalin tamashalaýǵa 10 myńnan astam kórermen jınaldy. Jastardyń sportqa degen qyzyǵýshylyǵyn kórip qýanasyń», – deıdi Jaýyngerlik óner  qaýymdastyǵyna qarasty  Atyraý oblystyq assoıaııasynyń dırektory, sport janashyry, atymtaı-jomart meenat  Erlan Tabyldıev.

Sporttyq festıval barysynda qazaq estradasynyń jarqyn ókili Erke Esmahan, jastardyń úlken qoldaýyna ıe bolyp júrgen Artýr men Raıym syndy ánshiler jergilikti óner sheberlerimen birge kópshiliktiń kóńilin serpiltti.

Mundaı aýqymdy is-sharalar aldaǵy ýaqytta da jalǵasyn tabady deıdi uıymdastyrýshylar.

Qýanysh RAHMET,

Atyraý qalasy.