Kóńil kóńilden sý ishedi

Búgin Qazaqstan fýtbol federaııasynyń uıymdastyrýymen aýyr dertke shaldyǵyp, emdelip jatqan belgili áriptesimiz Galına Polevaıany qoldaý úshin sport ardagerleri men jýrnalısterdiń arasynda qaıyrymdylyq match boldy.

Kezdesý atalǵan uıymnyń jańadan salynǵan ǵajap ǵımaratynyń alańynda ótti.

Áriptesimiz Galına Polevaıa uzaq jyldar «Qazaqstan» jáne «Habar» telearnasynda jumys istegen. Ol aldymen úlken júrekti adam. Kezinde kórkem gımnastıkamen aınalysyp, sport sheberi atanǵan. Televıdenıede júrgende onyń kóp adamǵa sharapaty tıgenin de bilemiz. Al qazir ol ózi kómekke zárý bolyp otyrǵanda qol ushymyzdy sozsaq azamattyq tanytqanymyz dep bilemin.

Osy rette Qazaqstan fýtbol federaııasyna alǵysymyzdy bildiremiz. Galınanyń qyzy Anastasııa da anasynyń aıaqqa turýyna qolda bar múmkindiktiń bárin jasap jatyr.

Búgin oıyn bastalar aldynda áriptesimiz: «Ia hochý jıt. Ia lıýblıý jızn», dedi. Júrek shymyrlap ketti. Olaı deıtinim, búgin ákemniń qazasyna eki jyl boldy. Soǵan qarap barlyq adamǵa densaýlyq, uzaq ómir ǵana tileıdi ekensiń. Denińiz saý bolsyn, ǵumyrly bolyńyz Galına Pavlovna.

Dastan KENJALIN