ۇلتتىق كۇرەستىڭ ۇرانشىسى

سەرىك ادامبولسىن ۇلى تۇكەەۆ! قازاق سپورتىنىڭ تاريحىندا قازاق كۇرەسىن العاش رەت ەۋروپا مەن ازيانى ايتپاعاندا، افريكا ەلدەرىنە، برازيليا مەن ۇندىستانعا جەتكىزگەن، 7 مارتە ەرەسەكتەر اراسىنداعى الەم چەمپيوناتىن، 11 ازيا بىرىنشىلىگىن، 3 الەم كۋبوگىن ءوزى باس بولىپ ۇيىمداستىرعان ناعىز ۇلتجاندى ازامات! بۇل كىسى وسى ەڭبەگىمەن ۇلتىمىزدىڭ سپورتتىق تاريحىندا قالدى.

كەزىندە سەرىك تۇكەەۆ قازاق كۇرەسىنەن العاشقى الەم چەمپيوناتىن ۇيىمداستىرۋعا كىرىسكەندە ونىڭ بۇل تىرلىگىنە كۇلە قاراعاندار بولدى. ول كەزدە ۇلتتىق كۇرەسىمىزدەن افريكا چەمپيوناتى وتەدى دەسە، ءبىز دە سەنبەگەن بولار ەدىك. ال سەرىك اعا ەشنارسەگە قاراماي، قىسىر ءسوزدى ەلەمەي، تەك العا ۇمتىلۋمەن بولدى. سونداي جانكەشتى ەڭبەكتىڭ ارقاسىندا قازاق كۇرەسىنىڭ ءدۇمپۋى ءتورت قۇرىلىققا ەركىن جەتتى.

2017 جىلى كۇزدە اشحابادتا بولعان جابىق ازيا ويىندارىنىڭ باعدارلاماسىندا قازاق كۇرەسىنەن بەلدەسۋلەر ءوتتى. شىنىن ايتۋ كەرەك، ۇلتتىق كۇرەسىمىزدىڭ ازيا ويىندارىنا ەنۋىنە سەرىك تۇكەەۆتىڭ سىڭىرگەن ەڭبەگى ەرەكشە بولدى. ءبىزدىڭ كۇرەستىڭ ەۋروپا مەن امەريكا ويىندارىنىڭ باعدارلاماسىنا كىرۋىنىڭ ءوزى تۇكەەۆ باستاعان جىگىتتەر مەن قىزداردىڭ تالاي جىلعى ماڭداي تەرىنىڭ جەمىسى ەكەنى انىق. ەگەر الاشتىڭ مىقتى ازاماتتارى سەرىك ادامبولسىن ۇلى ءتارىزدى ءبىر-ءبىر ۇلتتىق مۇرانى قايىسپاي وسىنداي دارەجەگە كوتەرۋگە جاراسا، ءبىزدىڭ ۇلتتىق مادەنيەتىمىزدىڭ ءورىسى قازىرگىدەن الدەقايدا كەڭ بولار ەدى.

بۇگىن اعامىز 62 جاسقا تولىپ وتىر. سەرىك اعا، مارتەبەلى بەلەسىڭىز قۇتتى ءارى باياندى بولسىن! باسىڭىزعا تۇسكەن سىناقتاردان امان-ەسەن ءوتىپ، التى الاشتىڭ ابىرويلى اقساقالى بولۋىڭىزعا شىن جۇرەكتەن تىلەكتەسپىز!

قىدىربەك رىسبەك