SportPress.kz Qazaqstan sport jańalyqtary
«Adamnyń aıtqany emes, Allanyń aıtqany bolady», degen sóz — ras sóz. Buǵan kún saıyn kóz jetkizip kelemiz. Allanyń qudiretinde shek joq qoı. «Osy pendemdi myna elge aparamyn, shaqyramyn», dese adamdy óziniń buıryǵymen kez kelgen elge, jerge apara alady.
Saýd Arabııasyna saparym Jaratýshynyń osyndaı buıryǵynan ǵana múmkin boldy. Qazir Jıdda qalasynyń qonaq úıinde osy joldardy jaza otyryp, Qudaıǵa meni Mekkege aparǵanyna, kishi qajylyq paryzdy óteýge jaǵdaı jasaǵanyna taǵy da madaq aıtamyn. Osy madaqty Qaǵbany jeti ret aınalǵanda qaıtalap aıtyp shyqqanmyn. Sol jerde «Alladan basqa Qudaı joq, Muhammed onyń elshisi» dep júzdegen, myńdaǵan adam da aıtty.
Ekinshiden, Azııa sport baspasózi qaýymdastyǵyna osy sapardy uıymdastyrǵany úshin alǵys aıtamyn. Úshinshiden, Qazaqstannyń Jıdda qalasyndaǵy Bas konsýldyǵyna da alǵysym sheksiz. Kesheden beri Bas konsýl Talǵat Shaldanbaıdyń kómekshisi Dııar Asqarov degen jap-jaqsy azamat áýejaıdan kútip alyp, aýdarmashy men jol kórsetýshi qyzmetin kórsetip keledi. Alla olarǵa qyzmetteri úshin razy bolsyn!
Al Mekkede kishi qajylyqtan keremet áser aldym. Adam nıettense bári bolady eken. Men Arab túbegine jaqsy nıetpen keldim. Qudaıdan Qaǵbanyń janynda turyp, elimizge, halqymyzǵa, aǵaıyn-baýyr, týǵan-týys, dos-jaranǵa oıyma kelgen eń-eń jaqsy tilekterdi tiledim! Qaıtqan adamdardy Alla panasyna alsyn dep arýaqtarǵa duǵa jasadym!
Endi Mekkege ekinshi ret qashan keletinimizdi bir Qudaı biledi. Bas aman bolsa bári bolady. Eń bastysy elimiz aman, jurt tynysh bolsyn! Táýelsizdigimiz máńgi bolyp, qazaq óz ózine bı, óz ózine qoja bolyp júre bersin!
Dastan KENJALIN, – MEKKEDEN
