SportPress.kz قازاقستان سپورت جاڭالىقتارى
الماتى قالاسىندا قازاقستاندىق مما ارالاس جەكپە-جەك بىرىككەن فەدەراتسياسىنىڭ ۇيىمداستىرۋىمەن ەلىمىزدەگى مما ارالاس جەكپە-جەك سپورتىنىڭ دامۋىنا ارنالعان ءباسپاسوز كونفەرەنتسياسى ءوتتى، دەپ حابارلادى اتالعان ۇيىمنىڭ ءباسپاسوز قىزمەتى.
جيىندا فەدەراتسيا وكىلدەرى رەسەيلىك م-1 Global ۇجىمىنىڭ ۇيىمداستىرۋىمەن وتكەن بايقاۋدا ۇزدىك تانىلعان سپورتشىلار مەن جاتتىقتىرۋشىلاردى قۇتتىقتادى.
ەسكە سالا كەتسەك، بىلتىر 19 جەلتوقساننان باستاپ م-1 گلوبال ۇجىمى ءوز سايتتارىندا «جىل سپورتشىسى»، «جىل سەرپىلىسى»، «ۇزدىك جەكپە-جەك»، «جىل ءسابميشنى»، «جىل جاتتىقتىرۋشىسى»، «جىل نوكاۋتى» سىندى نوميناتسيالار بويىنشا جىلدىڭ ۇزدىكتەرىن تاڭداۋدى باستاعان بولاتىن.
ونلاين بايقاۋ قورىتىندىسىندا جەرلەستەرىمىز — جەڭىل سالماقتاعى م-1 Global ليگاسىنىڭ ۋاقىتشا چەمپيونى اسۋ الماباەۆ «جىل سەرپىلىسى 2019» اتالىمىنىڭ جەڭىمپازى اتانسا، جەڭىل سالماقتاعى م-1 Global ليگاسىنىڭ چەمپيونى سەرگەي موروزوۆ «جىل سپورتشىسى-2019» نوميناتسياسىنىڭ جەڭىمپازى، ال قازاقستان ۇلتتىق قۇراماسىنىڭ باس جاتتىقتىرۋشىسى بايان مارات ۇلى جانعالوۆ «2019 جىل جاتتىقتىرۋشىسى» اتاندى.
كەزدەسۋدە تاعى ءبىر تالقىلانعان ماسەلە بيىلعى مما-دان ۇلتتىق قۇراماسىنىڭ جوسپارى جانە Arlan MMA Pro Team كاسىبي جەكپە-جەك كومانداسى مەن «قازاقستاندىق مما ارالاس جەكپە-جەك بىرىككەن فەدەراتسياسى» رقب-نىڭ بىرلەسكەن جوسپارلارى تۋرالى بولدى.
ءىس-شاراعا «قازاقستاندىق مما ارالاس جەكپە-جەك بىرىككەن فەدەراتسياسى» رقب باس ديرەكتورى ۆاليحان تەن، Arlan MMA Pro Team كاسىبي جەكپە-جەك كومانداسىنىڭ ديرەكتورى تولەگەن قۇماروۆ، مما سپورتىنداعى جەتەكشى سپورتشىلار مەن جاتتىقتىرۋشىلار قاتىستى.
