SportPress.kz قازاقستان سپورت جاڭالىقتارى
«استانا» كومانداسىنىڭ باس باپكەرى ستانيمير ستويلوۆ ەۋروپا ليگاسىنىڭ توپتىق كەزەڭىندە چەحيانىڭ «سلاۆيا» كومانداسىنا قارسى كەزدەسۋ الدىندا ءباسپاسوز كونفەرەنتسياسىن وتكىزدى.
– ءبىز ەۋروپا ليگاسىنىڭ توپتىق كەزەڭىندە ءوز الاڭىمىزداعى العاشقى ويىنىمىزدى باستايىن دەپ وتىرمىز. ءبىزدى اۋىر ماتچ كۇتىپ تۇرعانىن جاقسى بىلەمىز. ۇجىمداعى جىگىتتەر دە بار جاۋاپكەرشىلىكتى سەزىنىپ وتىر. «تارازعا» قارسى ويىن الدىدا دا، ودان كەيىن دە ازداعان قيىندىقتارىمىز پايدا بولدى. قازىر بىرنەشە ويىنشىمىز جاراقات الىپ قالدى. لاسلو، دەسپوتوۆيچ، گراحوۆاتس، شيتوۆ بىزگە كومەكتەسە المايدى. بىراق ءبىز ءبىر شەشىمىن تابۋىمىز كەرەك. ەرتەڭ ءوز جانكۇيەرلەرىمىزدىڭ الدىندا بار ونەرىمىزدى سالاتىن بولامىز.
– «استانا» ءوز الاڭىندا «لەگيا» مەن «سەلتيككە» قارسى اشىق فۋتبول كورسەتكەن. ەرتەڭ كوماندادان وسىنداي ويىندى كورە الامىز با؟
– بۇل ويىندا بىرنارسەنى وزگەرتەتىندەي نەمەسە قارسىلاسىمىزدان قورقاتىنداي سەبەپ كورىپ تۇرعان جوقپىن. ءبىز ءوز ويىنىمىزدى كورسەتەمىز. شابۋىلعا شىققاندا نەعۇرلىم ناتيجەلى اياقتاۋدى ويلاۋىمىز كەرەك.
– ءوز الاڭىمىزدا وتكىزەتىن الداعى ەكى ويىن توپتىق كەزەڭنەن شىعۋعا مۇمكىندىك بەرەدى دەگەن پىكىرمەن كەلىسەسىز بە؟
– بۇل ويىنداردىڭ ماڭىزى زور ەكەنىن ەرەكشە اتاپ كەتكەن ءجون. دەگەنمەن، ءوز مۇمكىندىگىمىزدى دە ءبىلۋىمىز كەرەك. ءبىز قولىمىزدان كەلگەننىڭ ءبارىن جاسايمىز. بىراق ازىرگە دەڭگەيىمىز توپتىق كەزەڭمەن عانا شەكتەلىپ جاتىر. دەگەنمەن سوڭعى جىلدارى «استانا» كىممەن بولسىن يىق تىرەستىرىپ، تەڭ دارەجەدە ويناي الاتىنىن دالەلدەپ كەلەدى. ءبىز ءار ۇپاي ءۇشىن سوڭىنا دەيىن كۇرەسەتىن بولامىز. سەبەبى، ءار ۇپاي كومانداعا قارجىلىق جاعىنان دا پايداسىن تيگىزەتىنىن ۇمىتپاعان ءجون. ال ەڭ باستىسى جانكۇيەرلەرىمىزدىڭ قۋانىشىنا كەنەلەمىز.
– «ۆيلياررەالمەن» سالىستىرعاندا «سلاۆيا» وسال دەپ سانايسىز با؟ قانداي ويىنشى قاۋىپ تۋدىرۋى مۇمكىن؟
– ەگەر «سلاۆيانى» «ۆيلياررەالمەن» سالىستىرساق، دەڭگەيى تومەندەۋ ەكەنى بەلگىلى. چەحيالىق ۇجىمدى قىتايلىق ينۆەستور ءوز قولىنا العالى بەرى ۇلكەن وزگەرىستەر ورىن الىپ جاتىر. ولار كۇن ساناپ دامىپ جاتىر. ءار پوزيتسيادا ەكى-ءۇش ويىنشىدان بار.
– ميگەل داننيدان بولەك قانداي ويىنشىدان قيىندىق تۋدىرۋى مۇمكىن؟
– «سلاۆيادا» شابۋىل شەبىندە ونەر كورسەتەتىن بىرقاتار ويىنشىلار بار. توماش نەتسيدتى ەرەكشە اتاپ وتكەن ءجون. الايدا، «سلاۆيا» كوماندالىق ويىنعا كوبىرەك ءمان بەرەدى. ارينە، ولاردا مەسسي، رونالدۋ سەكىلدى جۇلدىزدارى جوق. بىراق مىقتى ويىنشىلارى از ەمەس ەكەنىن ەسكەرۋ كەرەك.
– وتكەن جىلى «استانا» ىشكى بىرىنشىلىككە باسا نازار اۋداردى. قازىر «قايرات» ىزدەرىڭىزدەن كەلەدى. بۇل جولى ەۋروپا ليگاسىنىڭ پلەي-وفف كەزەڭىنەن شىعۋعا دەن قوياسىزدار ما، الدە پرەمەر-ليگا ماڭىزدىراق پا؟
– ارينە، توپتىق كەزەڭنەن شىققىمىز كەلەدى. بىراق باستى ماقساتىمىز – چەمپيوندىق اتاعىمىزدى قورعاپ قالۋ. ەكى جاققا دا نازار اۋدارامىز. «قايرات» سوڭعى كەزدەرى جاقسى ويناپ ءجۇر. بىزدە ءتورت لەگيونەر بار. ولاردىڭ ەۋروپالىق تاجىريبەسى بولعاندىقتان سەنىم ارتىپ وتىرمىز. بىراق فۋتبولدىڭ اتى فۋتبول. بۇل دا ءبىر كەزەكتى قيىندىق بولار. بىلتىر «وليمپياكوسقا» قارسى ويىندا نەگىزگى كوماندادان 10 ويىنشىمىز، جاستاردان ءۇش جىگىتىمىز عانا بولاتىن. ءبىز ودان دا وتتىك.
– «استانا» كەشە عانا ستاديوننىڭ شاتىرىن جاپتى. بۇل ءسىزدىڭ قالاۋىڭىز با؟
– ول باسشىلىقتىڭ قالاۋى. ويىنشىلارعا دا، باپكەرلەرگە دە جىلى بولاتىن بولدى (كۇلدى).
– جاساندى الاڭ «استاناعا» باسىمدىق بەرۋى مۇمكىن بە؟
– ولاي دەپ ايتا المايمىن. ءبىز سىرت الاڭداردا تابيعي شوپتە ويناساق، قارسىلاستارىمىز سينتەتيكالىق الاڭدا وينايدى. جاعداي ەكى جاققا دا بىردەي. سوندىقتان ايتارلىقتاي باسىمدىق بەرەدى دەپ ايتا المايمىن.
– «لەگيانىڭ» دەڭگەيىن قالاي باعالار ەدىڭىز؟
– وسال كوماندا ەمەس. ۇيىمشىل دەپ ايتا الامىن. شابۋىلدا ونەر كورسەتەتىن جىگىتتەر قورعانىسقا دا ءجيى ارالاسادى.
