Stoılov: Negizgi quramdaǵy tórt oıynshymyz jaraqat alyp qaldy

«Astana» komandasynyń bas bapkeri Stanımır Stoılov Eýropa lıgasynyń toptyq kezeńinde Chehııanyń «Slavııa» komandasyna qarsy kezdesý aldynda baspasóz konferenııasyn ótkizdi.

– Biz Eýropa lıgasynyń toptyq kezeńinde óz alańymyzdaǵy alǵashqy oıynymyzdy bastaıyn dep otyrmyz. Bizdi aýyr match kútip turǵanyn jaqsy bilemiz. Ujymdaǵy jigitter de bar jaýapkershilikti sezinip otyr. «Tarazǵa» qarsy oıyn aldyda da, odan keıin de azdaǵan qıyndyqtarymyz paıda boldy. Qazir birneshe oıynshymyz jaraqat alyp qaldy. Laslo, Despotovıch, Grahova, Shıtov bizge kómektese almaıdy. Biraq biz bir sheshimin tabýymyz kerek. Erteń óz jankúıerlerimizdiń aldynda bar ónerimizdi salatyn bolamyz.

– «Astana» óz alańynda «Legııa» men «Seltıkke» qarsy ashyq fýtbol kórsetken. Erteń komandadan osyndaı oıyndy kóre alamyz ba?

– Bul oıynda birnárseni ózgertetindeı nemese qarsylasymyzdan qorqatyndaı sebep kórip turǵan joqpyn. Biz óz oıynymyzdy kórsetemiz. Shabýylǵa shyqqanda neǵurlym nátıjeli aıaqtaýdy oılaýymyz kerek.

– О́z alańymyzda ótkizetin aldaǵy eki oıyn toptyq kezeńnen shyǵýǵa múmkindik beredi degen pikirmen kelisesiz be?

– Bul oıyndardyń mańyzy zor ekenin erekshe atap ketken jón. Degenmen, óz múmkindigimizdi de bilýimiz kerek. Biz qolymyzdan kelgenniń bárin jasaımyz. Biraq ázirge deńgeıimiz toptyq kezeńmen ǵana shektelip jatyr. Degenmen sońǵy jyldary «Astana» kimmen bolsyn ıyq tirestirip, teń dárejede oınaı alatynyn dáleldep keledi. Biz ár upaı úshin sońyna deıin kúresetin bolamyz. Sebebi, ár upaı komandaǵa qarjylyq jaǵynan da paıdasyn tıgizetinin umytpaǵan jón. Al eń bastysy jankúıerlerimizdiń qýanyshyna kenelemiz.

– «Vılıarrealmen» salystyrǵanda «Slavııa» osal dep sanaısyz ba? Qandaı oıynshy qaýip týdyrýy múmkin?

– Eger «Slavııany» «Vılıarrealmen» salystyrsaq, deńgeıi tómendeý ekeni belgili. Chehııalyq ujymdy qytaılyq ınvestor óz qolyna alǵaly beri úlken ózgerister oryn alyp jatyr. Olar kún sanap damyp jatyr. Ár pozıııada eki-úsh oıynshydan bar.

– Mıgel Dannıdan bólek qandaı oıynshydan qıyndyq týdyrýy múmkin?

– «Slavııada» shabýyl shebinde óner kórsetetin birqatar oıynshylar bar. Tomash Neıdti erekshe atap ótken jón. Alaıda, «Slavııa» komandalyq oıynǵa kóbirek mán beredi. Árıne, olarda Messı, Ronaldý sekildi juldyzdary joq. Biraq myqty oıynshylary az emes ekenin eskerý kerek.

– О́tken jyly «Astana» ishki birinshilikke basa nazar aýdardy. Qazir «Qaırat» izderińizden keledi. Bul joly Eýropa lıgasynyń pleı-off kezeńinen shyǵýǵa den qoıasyzdar ma, álde Premer-lıga mańyzdyraq pa?

– Árıne, toptyq kezeńnen shyqqymyz keledi. Biraq basty maqsatymyz – chempıondyq ataǵymyzdy qorǵap qalý. Eki jaqqa da nazar aýdaramyz. «Qaırat» sońǵy kezderi jaqsy oınap júr. Bizde tórt legıoner bar. Olardyń eýropalyq tájirıbesi bolǵandyqtan senim artyp otyrmyz. Biraq fýtboldyń aty fýtbol. Bul da bir kezekti qıyndyq bolar. Byltyr «Olımpıakosqa» qarsy oıynda negizgi komandadan 10 oıynshymyz, jastardan úsh jigitimiz ǵana bolatyn. Biz odan da óttik.

– «Astana» keshe ǵana stadıonnyń shatyryn japty. Bul sizdiń qalaýyńyz ba?

– Ol basshylyqtyń qalaýy. Oıynshylarǵa da, bapkerlerge de jyly bolatyn boldy (kúldi).

– Jasandy alań «Astanaǵa» basymdyq berýi múmkin be?

– Olaı dep aıta almaımyn. Biz syrt alańdarda tabıǵı shópte oınasaq, qarsylastarymyz sıntetıkalyq alańda oınaıdy. Jaǵdaı eki jaqqa da birdeı. Sondyqtan aıtarlyqtaı basymdyq beredi dep aıta almaımyn.

– «Legııanyń» deńgeıin qalaı baǵalar edińiz?

– Osal komanda emes. Uıymshyl dep aıta alamyn. Shabýylda óner kórsetetin jigitter qorǵanysqa da jıi aralasady.