Daryndardy daıyndaıtyn dırektor

Kıkboksıngten halyqaralyq dárejedegi sport sheberi, Azııa, Eýropa qurlyqtarynyń eki dúrkin chempıony, Álem kýbogynyń ıegeri, 1997 jylǵy Álem chempıonatynyń júldegeri, Qazaqstannyń birneshe dúrkin chempıony, dańqty sportshy Elmurat Qaıypjanov Almaty oblysy, Eńbekshiqazaq aýdany, Shelek aýylyndaǵy  №2 balalar men jasóspirimder sport mektebiniń dırektory bolyp taǵaıyndaldy.

2018 jyldan beri talantty jasóspirimderdi sporttyń  segiz túri boıynsha oqytatyn mektepte 584 oqýshy bilim alady. Bul sport ordasyndaǵy Boks bóliminen 2019-2020 oqý jyldary tórt oblystyq chempıon shyqty. Olardy E.Nurqalyqov, A. Dáýitov, S. Ahmetov jattyqtyrdy.  Qazaqstan chempıonatynda bir oqýshy úshinshi oryndy ıelendi (jattyqtyrýshylary E. Nurqalyqov, A. Dáýitov).

Qazaq kúresinen bir balýan oblys chempıony atandy. Onyń jattyqtyrýshysy M. Mametov.

M. Mametovtyń bir oqýshysy álemdegi indetke baılanysty Qazaqstan chempıonatyna barmady.

Saıat bóliminen Q.Isabekovtyń bir oqýshysy halyqaralyq týrnırda birinshi oryn aldy.

M.Kodekovtyń bir oqýshysy el chempıonatynda qurmet tuǵyrynyń eń bıik satysyna kóterildi. Jattyqtyrýshylar Q. Isabekov sport sheberligine bir úmitkerdi, A.Ismaılov tórt sportshyny daıyndasa, M.Kodekov bir sport sheberin shyǵardy. M.Kodekovtiń tórt oqýshysy Qazaqstan qurama komandasyna qabyldandy.

Ashyq sabaqtardy A.Ismaılov, B.Tynyshpaev, A.Dáýitov, E.Nurqalyqov ótkizdi. Basqa jattyqtyrýshylar karantınge baılanysty ótkize almady.

Karantınde qashyqtyqtan oqý-jattyǵý jumystaryn jattyqtyrýshylar E.Nurqalyqov, A.Dáýitov, B.Saıdenova, V. De, E.Álıasqarov, V.Taırov, A.Izbýllaev, J.Qojamberdi, B.Ermakashev, A.Ismaılov, M.Kodekov ótkizdi. Oǵan A.Ákimjanov, B.Tynyshpaev, P.Danahýnov, U.Qojamberdi, E.Ortyqov, Ý.Asanov, J.Isahan, M.Tıýpeev, T.Mamanov sekildi jattyqtyrýshylar nemquraıly qarady.

Osy jyly sport mektebine Rahat Dúısen, Bahtııar Jamalov, Baýyrjan Nurmahan oqýǵa tústi.  Olardy V.De jattyqtyrady. Al oqýǵa qabyldanǵan Aqnar Aıdarbek pen Beıbarys Súleımenovti  jarysqa sport mekteptiń mamany – A. Ismaılov, Aqbota Smatálidi –E.Álıasqarov, Aıbek Baıǵalyqty  – B.Ermakashev, Laýra Qýatáli men Dastan Turlyqojany  E. Nurqalyqov daıyndaıdy

Bilim oshaǵynda boks, erkin kúres, dzıýdo, voleıbol, fýtbol sekildi Olımpıada baǵdarlamasyna engen sport túrine qosa qazaq kúresi, toǵyzqumalaq, saıat ónerine de baýlıdy.

Eki jyldyń bederinde bilim oshaǵynyń talapty jastary oblystyq, respýblıkalyq, halyqaralyq jarystarǵa da qatysyp, júldeli oralyp keledi. Sport mektebiniń bapkerleri men oqytýshylaryna  qoıylar basty talap – Qazaqstan quramasyna qabyldanatyn  talanttardy daıyndap shyǵarý.

Qýanysh JÁNIBEK,

Almaty oblysy