• Қазақ
  •   
  • Qazaq
  •   
  • قازاق
  •   
  • Рус
  •   

    Bekzat bolmys

    Qazaq jýrnalıstıkasy aýyr qazaǵa ushyrady. Jaqynda áriptes aǵamyz, belgili jýrnalıst Dúráli Dúısebaı fánı dúnıeden baqıǵa attanyp ketti.

    Bul qazany qolyna qalam men mıkrofon ustaǵan barlyq jýrnalıster aýyr qabyldady. О́ıtkeni, Dúráli aǵa jany jaısań, adamgershiligi mol, kórkem minezdi, aqjarqyn, aqkóńil, keńpeıildi adam edi. Men de basqa áriptesterim sııaqty áýeli qaıǵyǵa biraz ýaqyt senbeı júrdim.

    22 naýryzda maǵan jaısyz habardy ákem men Dúráli aǵanyń stýdent kezinen bergi dosy bolǵan Bolatbek Ormanov aǵanyń uly Ernar estirtti. Ol «Aǵamyzdan aıyrylyp qaldyq», degende tóbeme jaı túskendeı boldy. Onyń da qazaǵa qaıǵyryp jatqanyn sezdim. О́ıtkeni, bizdiń ákelerimiz jas kezderinen beri ómirden ótkenge deıin jaqsy aralasyp, syılasyp júrdi. Biz Ernar ekeýmiz Dúráli aǵanyń ákelerimizdiń qazalarynda qaıǵyryp qoshtasqanyn kórgenbiz. Bolatbek aǵa 2010 jyly qaıtsa, ákem Jumabek Omaruly 2017 jyly máńgilik saparǵa attanǵan bolatyn.

    Ernarmen sóılesip bolǵan soń, Feısbýk áleýmettik jelisine kirip, kimniń neni jazyp jatqanyn qarasam, qaza týraly eshkim eshteńe jazbapty.

    Jalpy, óz basym jaqyn adamnyń dúnıeden kóshkenin Internetten bilý degenniń ne ekenin burynnan bilemin. Mundaı habar júrip ketken adamnyń týǵan-týystaryna, jaqyndaryna óte aýyr tıedi. Sondyqtan Feısbýkke eshteńe jazbaı, aǵamyzben syılas bolǵan áriptesterime habarlasyp, qaıǵyny estirttim.

    Sol kúni Dúráli aǵanyń kóp ýaqyt aýyrǵanyn bildik.

    –Aǵalaryń kóp aýyrdy ǵoı. Biraq qınalyp júrgenin eshkimge bildirtpedi, – dedi Saıora jeńgemiz.

    Iá, Dúráli aǵa óziniń aýyryp júrgenin eshkimge eshqashan aıtpaıtyn. Ekeýmiz kezdeskende: «Aıaǵym áli aýyryp júr. Operaııa jasatamyn. Bul buryn KazGÝ-diń qalashyǵynda fýtbol oınap jatqanda alǵan jaraqatym ǵoı. Sol jaraqat ara-tura tóbe kórsetse emdeımin», dep aıtatyn. Basqa syrqaty týraly tis jarmaıtyn. Eshteńe aıtpaıtyn. Bárin ishinde saqtaıtyn, jany jaısań aǵam.

    О́mir degen kúres eken. Osy jaraqatpen de mine, Dúráli aǵa kúresip ótti. О́tti deýge de aýyz barmaıdy. Jaqsy adamdy kim qııady? Eshkim qımaıdy.

    Dúráli aǵa Ásııa jeńge ómirden ótkende Nazerke, Balaýsa, Ińkár degen qyzdaryn tárbıelep, aıalap ósirdi.  «Jalǵyzdyq Jaratqanǵa ǵana jarasady» degendeı taǵdyr Ásııa táte qaıtqanda 20 jyldan keıin Saıora jeńgeni kezdestirdi. Qazir ekeýinen Dııar degen bala bar. Ol bala degende perzentterine ákelik mahabbatyn úıip-tógip beretin, jumys degende janyn salyp, bilek sybana eńbek etetin kisi edi. Sol sebepti, balalaryna jaqsy áke, al shákirtterine ulaǵatty ustaz, áriptesterine syıly joldas, qurdastaryna, kýrstastaryna senimdi dos, elge qoǵamnyń problemalaryna kóz juma qaramaıtyn, únemi ún qosyp otyratyn azamat bola bildi.

    Jatqan jerińiz jaıly, janyńyz jánnatta bolsyn, jany jaısań aǵa!

     

    Dastan KENJALIN

    Pikir jazý

    Your email address will not be published. Required fields are marked *

    *