الماتىدا ارداگەرلەر جارىسىنىڭ جالاۋى جەلبىرەدى

كەشە تاماشا ءبىر قۇرمەتتى سپورت شاراسىنىڭ كۇاگەرى بولدىم. بۇل سپورتتىق دوپ دوداسى جاسۇرپاققا ۇلگى بولىپ جۇرگەن، كەزىندە ق. ساتپاەۆ اتىنداعى پوليتەحنيكالىق ينستيتۋتتى ۇزدىك اياقتاپ، ءوزى تاڭداعان ماماندىعى بويىنشا كوپكە جاقسىلىعىن كورسەتكەن ارداقتى ازامات، سپورت ارداگەرى تۇرسىنعالي قۇسايىنوۆ اعامىزدىڭ 65 جاسقا تولۋىنا ارنالعان ەكەن.

شاعىن فۋتبولدان ارداگەرلەر اراسىندا وسىنداي تارتىستى فۋتبول جارىسىن ەلگە بەلگىلى سپورت ءجۋرناليسى ءالىم اناپيانوۆ اعامىز ۇيىمداستىرۋعا ۇيىتقى بولىپتى. ءالىم اعا دا سپورت تاقىرىبىنا قالام تارتقان جۋرناليستەرگە ۇلكەن ۇلگى ەتەتىن ارداگەر جۋرناليست ءارى تەڭبىل دوپتىڭ شەبەرى دەسە بولادى. اعامىز كۇنى بۇگىنگە دەيىن سپورت جەيدەسىن كيىپ الىپ، ءوز قۇرالپى زامانداستارى مەن ءىزباسارلارىنىڭ باسىن قوسىپ وتەگەن كەنتىندە ماڭداي تەرىن توگىپ دوپ وينايدى. بۇگىنگى مەرەيتوي يەسى تۇرسىنبەك اعامىزبەن بىرگە ءبىر كوماندادا قىسى-جازى فۋتبول ويناپ، دەنساۋلىقتارىن شىڭداپ كەلەدى ەكەن. سونىمەن ويىن سوڭىندا جارىسقا قاتىسقان كوماندالاردىڭ جەڭىمپازى انىقتالىپ ۇيىمداستىرۋشىلاردىڭ ازىرلەگەن كۋبوكتارى تابىس ەتىلدى. مەندە قالالىق كوماندانىڭ قۇرامىندا بارىنشا ونەر كورسەتىپ، ءبىرىنشى ورىندى جەڭىپ الدىق. ويىندا ۇزدىك ونەر كورسەتكەندەردى تۇرسىنبەك پەن ءالىم اعالارىمىز ءوز قولدارىمەن باعالى سىيلىقتارىن تارتۋ ەتتى. باۋىرجان مومىش ۇلى اتامىز: «مەنىڭ بويىمدا كۇش-قۋاتىم بار كەزدە كارىلەرگە قوسپاڭدار»، -دەگەن ەكەن. ارامىزدا سپورتتى ءومىرىنىڭ نەگىزگى تىرەگى ەتىپ، كوپكە ۇلگى بولىپ جۇرگەن اعالارىمىزعا قۇرمەتپەن قىزىعا قارايمىن. الدىڭعى تولقىن ارداقتى اعالارىمىز امان بولسىن! الداعى جىلى بۇل جارىسقا شاقىرىلاتىن كوماندالاردىڭ سانى ارتپاقشى ەكەن. ەندەشە، داستۇرلىك بولعالى تۇرعان بۇل ءتۋرنيردىڭ ءساتتى وتۋىنە تىلەكتەسپىز!

 اقىن ورداباي ۇلى،

الماتى