Almatyda ardagerler jarysynyń jalaýy jelbiredi

Keshe tamasha bir qurmetti sport sharasynyń kúágeri boldym. Bul sporttyq dop dodasy jasurpaqqa úlgi bolyp júrgen, kezinde Q. Sátpaev atyndaǵy Polıtehnıkalyq ınstıtýtty úzdik aıaqtap, ózi tańdaǵan mamandyǵy boıynsha kópke jaqsylyǵyn kórsetken ardaqty azamat, sport ardageri Tursynǵalı Qusaıynov aǵamyzdyń 65 jasqa tolýyna arnalǵan eken.

Shaǵyn fýtboldan ardagerler arasynda osyndaı tartysty fýtbol jarysyn elge belgili sport jýrnalısi Álim Anapııanov aǵamyz uıymdastyrýǵa uıytqy bolypty. Álim aǵa da sport taqyrybyna qalam tartqan jýrnalısterge úlken úlgi etetin ardager jýrnalıst ári teńbil doptyń sheberi dese bolady. Aǵamyz kúni búginge deıin sport jeıdesin kıip alyp, óz quralpy zamandastary men izbasarlarynyń basyn qosyp О́tegen kentinde mańdaı terin tógip dop oınaıdy. Búgingi mereıtoı ıesi Tursynbek aǵamyzben birge bir komandada qysy-jazy fýtbol oınap, densaýlyqtaryn shyńdap keledi eken. Sonymen oıyn sońynda jarysqa qatysqan komandalardyń jeńimpazy anyqtalyp uıymdastyrýshylardyń ázirlegen kýboktary tabys etildi. Mende qalalyq komandanyń quramynda barynsha óner kórsetip, birinshi oryndy jeńip aldyq. Oıynda úzdik óner kórsetkenderdi Tursynbek pen Álim aǵalarymyz óz qoldarymen baǵaly syılyqtaryn tartý etti. Baýyrjan Momyshuly atamyz: «Meniń boıymda kúsh-qýatym bar kezde kárilerge qospańdar», -degen eken. Aramyzda sportty ómiriniń negizgi tiregi etip, kópke úlgi bolyp júrgen aǵalarymyzǵa qurmetpen qyzyǵa qaraımyn. Aldyńǵy tolqyn ardaqty aǵalarymyz aman bolsyn! Aldaǵy jyly bul jarysqa shaqyrylatyn komandalardyń sany artpaqshy eken. Endeshe, dástúrlik bolǵaly turǵan bul týrnırdiń sátti ótýine tilektespiz!

 Aqyn ORDABAIULY,

ALMATY