تەننيستەن قازاقستان تورەشىسىنە العاش رەت «كۇمىس بەلگى» بەرىلدى

تەننيستەن تورەشى يۋليا يگناتچەنكو حالىقارالىق تەننيس قاۋىمداستىعىنىڭ شەشىمىمەن «كۇمىس بەلگى» (Silver Badge) اتاعىن الدى.

مۇنداي قۇرمەتكە ەلىمىزدىڭ تورەشىلەرى العاش رەت يە بولىپ وتىر. «كۇمىس بەلگى» اتاعى كاسىبي قىزمەتىن لايىقتى اتقارىپ كەلە جاتقان تورەشىگە بەرىلەدى. بۇل اتاقتى الۋ ءۇشىن تورەشىگە كەم دەگەندە 60 حالىقارالىق تۋرنيرگە قازىلىق ەتىپ، «التىن بەلگىسى» بار تورەشىلەر مەن سۋپەرۆايزەرلەردىڭ ءتيىستى باعاسىن الۋ كەرەك. سودان كەيىن ITF، ATP، WTA پەن Grand Slam سەكىلدى حالىقارالىق ۇيىمدار  جينالىستارىندا «كۇمىس بەلگى» اتاعىن كىمگە بەرۋ كەرەكتىگىن شەشەدى.

«كۇمىس بەلگى» اتاعىن العان تورەشى «ۇلكەن دۋلىعا» سەرياسىنىڭ كەز كەلگەن تۋرنيرىندە، سونداي-اق  ITF، ATP، WTA ۇيىمدارىنىڭ اياسىندا وتەتىن جارىستارعا قازىلىق ەتە الادى. ولاردىڭ فينالىنا دا تورەلىك ەتەدى.

داستان كەنجالين،

استانا