Tennısten Qazaqstan tóreshisine alǵash ret «Kúmis belgi» berildi

Tennısten tóreshi Iýlııa Ignatchenko halyqaralyq tennıs qaýymdastyǵynyń sheshimimen «Kúmis belgi» (Silver Badge) ataǵyn aldy.

Mundaı qurmetke elimizdiń tóreshileri alǵash ret ıe bolyp otyr. «Kúmis belgi» ataǵy kásibı qyzmetin laıyqty atqaryp kele jatqan tóreshige beriledi. Bul ataqty alý úshin tóreshige kem degende 60 halyqaralyq týrnırge qazylyq etip, «Altyn belgisi» bar tóreshiler men sýpervaızerlerdiń tıisti baǵasyn alý kerek. Sodan keıin ITF, ATP, WTA pen Grand Slam sekildi halyqaralyq uıymdar  jınalystarynda «Kúmis belgi» ataǵyn kimge berý kerektigin sheshedi.

«Kúmis belgi» ataǵyn alǵan tóreshi «Úlken dýlyǵa» serııasynyń kez kelgen týrnırinde, sondaı-aq  ITF, ATP, WTA uıymdarynyń aıasynda ótetin jarystarǵa qazylyq ete alady. Olardyń fınalyna da tórelik etedi.

Dastan KENJALIN,

ASTANA