Jánibek Álimhanuly taǵy bir álem chempıonymen kezdesýi múmkin

Kásipqoı boksshy Jánibek Álimhanuly WBO tıtýlyn sátti qorǵaǵannan keıin taǵy bir orta salmaqtaǵy álem chempıony Karlos Adamesti jekpe-jekke shaqyryp, onyń kelisimin aldy.

Qazaq boksshysy Twitter-de barlyq bylǵary qolǵap sheberlerin jekpe-jekke shaqyrǵan edi. Onyń bul usynysyn kóp kúttirmeı, domınıkalyq sportshy Karlos Adames qabyldady. Ol Jánibek Álimhanulynyń shaqyrýyna «Men daıynmyn!» dep jaýap berdi.

Alaıda bul aıqastyń qashan bolatyny belgisiz. Oǵan birneshe faktor bóget bolyp tur. Birinshiden, boksshylar bir-birine básekeles promoýterlerdiń qol astynda jattyǵady. Ekinshiden, Adames qazaq boksshysynan buryn WBC chempıony Djermall Charlomen jekpe-jekke shyǵýy múmkin.

Al ázirshe WBO chempıony Jánibek Álimhanuly jekpe-jekterden shettetildi. AQSh-tyń Nevada shtatynyń atletıkalyq komıssııasy boksshynyń 13 qarasha kúni brıtanııalyq Denzel Bentlımen aıqasynan keıin osyndaı sheshim shyǵardy. Qolda bar málimetke qaraǵanda, mundaı shetteý – qalypty proedýra. Bul bosshylardyń jekpe-jekten keıin qalypqa kelýi úshin jasalady. Osylaısha, Álimhanuly 13 jeltoqsanǵa deıin, al Bentlı 28 jeltoqsanǵa deıin rıngke shyǵa almaıdy.

Dastan KENJALIN,

ASTANA