اعايىندى قازاق بالالارى الەم چەمپيونى اتاندى

اعايىندى جاس سپورتشىلار – ارسلان بەرىك پەن ارسەن بەرىك دجيۋ-دجيتسۋدەن  بىرىككەن اراب امىرلىكتەرىنىڭ ءابۋ-دابي قالاسىندا ءوتىپ جاتقان «Abu Dhabi World Professional Jiu-Jitsu Championship  2022» الەم چەمپيوناتىندا التىن مەدالدى جەڭىپ الدى.

الەمدىك دودا 11-19 قاراشا ارالىعىندا ءوتىپ جاتىر. وعان الەمنىڭ 120 ەلىنەن كەلگەن جاس سپورتشىلار قاتىسىپ جاتىر.

بۇل چەمپيونات AJP Tour حالىقارالىق تۋرنيرلەرىنىڭ سوڭعى كەزەڭى بولىپ سانالادى. ول – الەمدەگى ەڭ بەدەلدى برازيليالىق JIU-JITSU جارىستارىنىڭ ءبىرى. وسى جارىستا ارسلان بەرىك فينالدا پاكىستاننان كەلگەن قارسىلاسىن 2 مينۋتتا مەرزىمىنەن بۇرىن جەڭسە، ارسەن بەرىك شەشۋشى كەزدەسۋدە قارسىلاسىنىڭ قولىنا اۋىرتۋ ءتاسىلىن جاساپ، قىلقىندىرۋ ادىسىمەن جەڭىسكە جەتتى.

ارسلاننىڭ سپورتتىڭ وسى تۇرىمەن اينالىسىپ كەلە جاتقانىنا جارتى جىلداي ۋاقىت بولسا، ارسەن ونىمەن 1 جىل، 6 اي اينالىسىپ كەلەدى.

بۇل جارىستا ارسلاننىڭ قارسىلاستارى بىرىككەن اراب امىرلىگى، كۋۆەيت پەن پاكىستاننان بولدى. ال ارسەن كۋۆەيت، ءباا مەن اقش-تان كەلگەن سپورتشىلارمەن كۇش سىناستى. نەگىزى ولاردىڭ سالماعىندا الەم چەمپيوناتىنا 40 شاقتى سپورتشى قاتىسىپ جاتىر. سوعان قاراماي، ەكەۋى دە ۇزدىك ەكەنىن دالەلدەپ، چەمپيون اتاندى.

برازيليالىق دجيۋ-دجيتسۋدان ارسلان بەرىك 8-9 جاس ارالىعىنداعى سپورتشىلار اراسىندا 3-بالالار ساناتىندا ۇزدىك اتانعان. ال ارسەن بەرىك 6-7 جاس ارالىعىنداعى قارسىلاستار اراسىندا 2-بالالار ساناتى، سۇر بەلبەۋ بويىنشا قارسىلاس شاق كەلتىرمەگەن.

ارسەن بەرىك – تۇركى الەمىنىڭ ەكى دۇركىن چەمپيونى، ازيا ويىندارىنىڭ كۇمىس جۇلدەگەرى، ونىڭ ىشىندە رەسپۋبليكالىق جانە حالىقارالىق جارىستاردىڭ بىرنەشە دۇركىن چەمپيونى.

داستان كەنجالين،

استانا