Aǵaıyndy qazaq balalary álem chempıony atandy

Aǵaıyndy jas sportshylar – Arslan Berik pen Arsen Berik djıý-djıtsýden  Birikken Arab Ámirlikteriniń Ábý-Dabı qalasynda ótip jatqan «Abu Dhabi World Professional Jiu-Jitsu Championship  2022» álem chempıonatynda altyn medaldi jeńip aldy.

Álemdik doda 11-19 qarasha aralyǵynda ótip jatyr. Oǵan álemniń 120 elinen kelgen jas sportshylar qatysyp jatyr.

Bul chempıonat AJP Tour halyqaralyq týrnırleriniń sońǵy kezeńi bolyp sanalady. Ol – álemdegi eń bedeldi brazılııalyq JIU-JITSU jarystarynyń biri. Osy jarysta Arslan Berik fınalda Pákistannan kelgen qarsylasyn 2 mınýtta merziminen buryn jeńse, Arsen Berik sheshýshi kezdesýde qarsylasynyń qolyna aýyrtý tásilin jasap, qylqyndyrý ádisimen jeńiske jetti.

Arslannyń sporttyń osy túrimen aınalysyp kele jatqanyna jarty jyldaı ýaqyt bolsa, Arsen onymen 1 jyl, 6 aı aınalysyp keledi.

Bul jarysta Arslannyń qarsylastary Birikken Arab Ámirligi, Kýveıt pen Pákistannan boldy. Al Arsen Kýveıt, BAÁ men AQSh-tan kelgen sportshylarmen kúsh synasty. Negizi olardyń salmaǵynda álem chempıonatyna 40 shaqty sportshy qatysyp jatyr. Soǵan qaramaı, ekeýi de úzdik ekenin dáleldep, chempıon atandy.

Brazılııalyq djıý-djıtsýdan Arslan Berik 8-9 jas aralyǵyndaǵy sportshylar arasynda 3-balalar sanatynda úzdik atanǵan. Al Arsen Berik 6-7 jas aralyǵyndaǵy qarsylastar arasynda 2-balalar sanaty, sur belbeý boıynsha qarsylas shaq keltirmegen.

Arsen Berik – túrki áleminiń eki dúrkin chempıony, Azııa oıyndarynyń kúmis júldegeri, onyń ishinde respýblıkalyq jáne halyqaralyq jarystardyń birneshe dúrkin chempıony.

Dastan KENJALIN,

ASTANA