قازاقستان قۇراماسى قاتارىنان ءۇش رەت جەڭىلدى

ءابۋ-دابي قالاسىندا فۋتبولدان قازاقستان ۇلتتىق قۇراماسى بىرىككەن اراب امىرلىكتەرىنىڭ كومانداسىمەن كەزدەستى.

كەزدەسۋدە الاڭ يەلەرى وتانداستارىمىزدى 2:1 ەسەبىمەن جەڭىپ كەتتى.

ماتچتىڭ 13-مينۋتىندا فابيو ليما گول سالىپ، الاڭ يەلەرىن العا شىعاردى. ەكىنشى تايمدا ابات ايىمبەتوۆ تارازى باسىن تەڭەستىردى. 62-مينۋتتا ايىمبەتوۆ تيمۋر دوسماعامبەتوۆتىڭ پاسىن پايدالانىپ، دوپتى تورعا توعىتتى.

71-مينۋتتا ليما ءدۋبلدىڭ اۆتورى اتاندى. ودان كەيىن قازاقستان قۇراماسى الاڭدا بىرىككەن اراب  وينىشىمەن قالدى. ماتچتىڭ 79-مينۋتىندا  الەكساندر ماروچكين ەرەجە بۇزىپ، الاڭنان قۋىلدى.

وسىلايشا ۇلتتىق قۇراما قاتاتىنان ءۇشىنشى رەت جەڭىلىستىڭ كەرمەك ءدامىن تاتتى.

بۇعان دەيىن ەلىمىزدىڭ باس كومانداسى ۇلتتار ليگاسى اياسىندا ازەربايجان قۇراماسىنا (0:3) جانە جولداستىق كەزدەسۋدە وزبەكستان كومانداسىنا (0:2) ەسە جىبەرگەن ەدى.

ءباا – قازاقستان  – 2:1 (1:0)

گولدار: ليما 13، 71 – ايىمبەتوۆ 62.

ەسكەرتۋ: الىپ 50، دوسماعامبەتوۆ 67، تاعىبەرگەن 75.

الاڭنان قۋىلعان: ماروچكين 80.

ءباا: حاليد ەيزا، شاحين ال-ماازمي (حاليد ال-حاشمي 46)، حاليفا ال-حاممادي (ابدۋسالام موحاممەد 90+2)، احماد دجاميل، حالەد يبراگيم، مادجەد حاسسان، مادجيد راشيد، ابداللا رامادان (تاحنۋن ال-زاابي 72)، حاريب ابداللا (ال حاسسان 46)، كايو كانەدو (ياحيا ال گاسساني 83)، فابيو دە ليما.

قازاقستان: شاتسكي، ءالىپ، ماروچكين، مالىي (ەرلانوۆ 76)، دوسماعامبەتوۆ (شومكو 76)، قايىروۆ (گابىشەۆ 63)، زاينۋتدينوۆ، تاعىبەرگەن (يسلامحان 76)، قۋات، ە.استانوۆ (سامورودوۆ 72)، ايىمبەتوۆ (جاقسىلىقوۆ 72).

تورەشىلەر: ماحمۋد ال-باننا، احمەد ەل-دين، سامي ابۋ-زەيد، يبراحيم ەل-دين (بارلىعى – مىسىر).

19.11.2022. ابۋ-دابي، «ال-ناحايان» ستاديونى.

داستان كەنجالين،

استانا