دزيۋدوشى عالىمجان قىرىقباي — قولا جۇلدەگەر!

جاپونيانىڭ استاناسى توكيو قالاسىندا دزيۋدودان Grand Slam ءتۋرنيرى اياقتالدى. جىلدىڭ قورىتىندى دوداسىندا قازاقستان قۇراماسى ءبىر مەدالدى جەڭىپ الدى.

100 كەلىدەن جوعارى سالماقتا بەلدەسكەن عالىمجان قىرىقباي جارىس بارىسىندا بارلىعى ءتورت كەزدەسۋ وتكىزىپ، ۇشەۋىن جەڭىسپەن اياقتادى.

سپورتتى دامىتۋ ديرەكتسياسىنىڭ حابارلاۋىنشا، ەرلەر اراسىندا اسا اۋىر سالماقتاعى عالىمجان قىرىقباي قولا مەدال ءۇشىن جەكپە-جەكتە چەح لۋكاس كرپالەكتى ۇتتى..

ىرىكتەۋ سىندا امەريكالىق كريستيان كونوۆالدى جەڭگەنىمەن، كەيىن جاپون كوكورو كاگيۋرادان ۇتىلىپ قالدى.

جارىس قوجايىنى فينالعا شىققاندىقتان عالىمجان جۇبانىش بەلدەسۋىنە قاتىسۋعا مۇمكىندىك الدى. وندا موڭعوليالىق تسەتسەنسەنگەل ودحۋدى ۇتتى.

سونداي-اق 100 كەلىگە دەيىنگى سالماقتاعى نۇرلىحان شارحان دا قولا مەدال ءۇشىن كۇرەسكەن.

الايدا قازاق دزيۋدوشىسى جۇبانىش كەزدەسۋىندە گەرمانيالىق دجوردج ءۋدسيلاۋريدى ۇتقانىمەن، جۇلدە جولىندا جارىس قوجايىنى كوتارو ۋەوكاعا جول بەردى.

وسىلايشا 100 كەلىگە دەيىنگى سالماقتا تاتاميگە شىققان شارحان نۇرلىحان جارىستى بەسىنشى ورىنمەن اياقتادى.

داستان كەنجالين،

استانا