قازاقستان تەننيسشىلەرى ەگيپەتتەگى تۋرنيردە جارتىلاي فينالىنا شىقتى

ارۋجان ساعىندىقوۆا مەن جانەل رۇستەموۆا ەگيپەتتىڭ شارم-ءال-شەيح قالاسىندا ءوتىپ جاتقان ITF World Tennis Tour W15 ءتۋرنيرىنىڭ جارتىلاي فينالىنا شىقتى. بۇل تۋرالى تەننيس فەدەراتسياسى حابارلادى.

وتانداستارىمىز شيرەك فينالدا رەسەيلىك ەليزاۆەتا ماشنا مەن ەليزاۆەتا موروزوۆانى ۇتتى.

ءبىرىنشى پارتيادا رەسەيلىكتەر 6:3 ەسەبىمەن باسىم ءتۇستى. ەكىنشى سەتتە دە ولار 4:1 ەسەبىمەن الدا تۇردى. مىنە، وسى ساتتە جانەل مەن ارۋجان ويىن تىزگىنىن ءوز قولدارىنا الا ءبىلدى. ولار قاتارىنان بەس گەيمدى ۇتىپ، سەتتى 6:4 ەسەبىمەن اياقتادى.. سودان كەيىن سۋپەر تاي-برەيكتە قارسىلاستارىنان ايلاسىن اسىردى. ەسەپ – 10:6.

جەكەلەي سىندا جانەل رۇستەموۆا فرانتسيالىق ناەا بەرەكوەچەياعا جول بەردى. ەسەپ — 1:6، 7:6 (7:3)، 2:6. دۇنيەجۇزىلىك رەيتينگتە 832-ورىندا تۇرعان فرانتسيالىق تەننيسشى رۇستەموۆانى جەڭۋ ءۇشىن 3 ساعاتقا جۋىق ۋاقىتىن جۇمسادى.

داستان كەنجالين،

استانا