Ronaldý «Iýventýstaǵy» qarjylyq qýlyqqa qatysy bar degen kúdikke ilikti

Portýgalııanyń ataqty fýtbolshysy Krıshtıaný Ronaldýdyń basy daýdan arylar emes. Álem chempıonatynyń aldynda «Manchester Iýnaıtedten» ketkennen keıin onyń Katarda da joly bolmady. Endi ol qarjylyq aıla-sharǵyǵa qatysy bar dep aıyptalyp jatyr.

«Sport Ekspress» basylymynyń habarlaýynsha, Krıshtıaný Ronaldý men «Iýventýs» klýbynyń basshylary arasyndaǵy jasyryn kelisimdi BAQ ókilderi bilip qoıǵan. Qazir týrındik komandanyń basyna bult úıirildi. Klýbtyń prezıdenti Andrea Anellı men vıe-prezıdent Pavel Nedved jáne dırektorlar keńesiniń basqa da músheleri tolyq otstavkaǵa ketken. Buǵan klýbtaǵy qarjylyq aıla-sharǵylardyń kópshilikke belgili bolýy basty sebep bolyp otyr.

«Iýventýs» basshylary fýtbolshylardyń transferine qatysty somany tómendetip, qyzmetkerlerdiń jalaqysy men shtat shyǵyndary týraly málimetti azaıtqan.

Qazan aıynda La Gazzetta dello Sport gazetiniń jýrnalısi Fabıana della Valle portýgalııalyq fýtbolshynyń da bul iske qatysy bar ekenin aıtqan. Naqty aıtqanda, týrındik klýb basshylyǵy Ronaldý tólegen 20 mln eýro kólemindegi salyqty esepke almaǵan.

2018-2020 jyldar aralyǵynda «Iýventýs» 115 mln eýrony osylaı jasyryp qaldy degen kúdikke ilindi. Sondaı-aq «Iýventýs» agenttikterge jalǵan qujat ázirlep, oǵan Krıshtıaný qol qoıdy degen málimet te bar.

Týrın prokýratýrasy sol kezde-aq Ronaldýdan jalaqysyn kórsetýdi suraǵan bolatyn. Al ol eńbekaqysyn jarııalaýdan bas tartty.

Dastan KENJALIN,

ASTANA