SportPress.kz قازاقستان سپورت جاڭالىقتارى
حورۆاتيا قۇراماسىنىڭ قاقپاشىسى دومينيك ليۆاكوۆيچ فۋتبولدان كاتاردا ءوتىپ جاتقان الەم چەمپيوناتىندا سوققىنى قايتارۋ جونىنەن ۇزدىك دەپ تانىلدى.
جالپى، بۇل قاقپاشى 7 كەزدەسۋدە بارلىعى 25 سوققىنى كەرى قايتارعان. وسىلايشا، ول بۇعان دەيىن كوش باستاپ تۇرعان پولشا قۇراماسىنىڭ قاقپاشىسى ۆويتسەح ششەنسنىدىڭ كورسەتكىشىنەن (23) اسىپ ءتۇستى. بىراق ۆويتسەح ششەنسنى چەمپيوناتتا 4-اق ماتچ وتكىزگەن.
ال 5 كەزدەسۋدە 18 سەيۆ جاساعان نيدەرلاندى قاقپاشىسى اندريس نوپپەرت ۇزدىك ۇشتىكتى تۇيىندەپ تۇر.
بۇگىن الەم چەمپيوناتىنىڭ فينالىندا فرانتسيا مەن ارگەنتينا قۇرامالارى التىنعا تالاسادى. دەگەنمەن بۇل ەلدىڭ قاقپاشىلارى ۋگو لوريس پەن ەميليانو مارتينەس ۇزدىكتەر كورسەتكىشىن جاقسارتا قويۋى نەعايبىل. ويتكەنى، قازىر ولاردىڭ ەنشىسىندە تيىسىنشە 10 جانە 5 سەيۆتەن بار.
ەركەعالي بەيسەنوۆ،
استانا
