تەننيسشى زاڭعار نۇرلان ۇلى جىلدىڭ ۇزدىك شەتەل ويىنشىسى اتاندى

زاڭعار نۇرلان ۇلى ەۋروپا تەننيس قاۋىمداستىعىنىڭ (Tennis Europe Tour) «جىلدىڭ ۇزدىك شەتەل ويىنشىسى» اتالىمىمەن ماراپاتتالدى. 14 جاستاعى زاڭعار جىلدى ەۋروپاداعى ۇزدىك 10 تەننيسشىنىڭ قاتارىندا اياقتادى.

بيىل ول جەكەلەي جانە جۇپتىق سىندا ەكى رەتتەن جارىس جەڭىمپازى اتاندى. وعان قوسا، فرانتسياداعى بەدەلدى ءتۋرنيردىڭ فينالىنا دەيىن جەتتى.

اتالعان ماراپاتتى العانىما وتە قۋانىشتىمىن. جىل بويى جاقسى ونەر كورسەتۋگە تىرىسىپ، ءار دوداعا بار كۇشىمدى سالدىم. مەن جاتتىقتىرۋشىلارىما جانە  ماعان ۇلكەن قولداۋ كورسەتكەن قازاقستان تەننيس فەدەراتسياسىنا العىس ايتامىن. الداعى جىلى ماعان جاسوسپىرىمدەر اراسىنداعى ITF تۋرنيرلەرىندە ويناۋعا تۋرا كەلەدى. وندا دا نامىستى قولدان بەرمەيمىن، –  دەدى زاڭعار نۇرلان ۇلى.

ەسكە سالا كەتسەك، بىلتىر وسى اتالىم بويىنشا تاعى ءبىر قازاقستاندىق زارا داركەن ۇزدىك شىققان بولاتىن.

داستان كەنجالين،

استانا