SportPress.kz قازاقستان سپورت جاڭالىقتارى
2024 جىلى فرانتسيانىڭ استاناسى پاريجدە وتەتىن جازعى وليمپييا ويىندارىنا دايىندالۋ ءۇشىن سپورتشىلارعا زاماناۋي جابدىقتار بەرىلدى. بۇل تۋرالى مادەنيەت جانە سپورت مينيسترلىگى حابارلادى.
مينيسترلىكتىڭ حابارلاۋىنشا، پاريج وليميپياداسىنا دايىندىق اياسىندا ارنايى باعدارلاما ازىرلەنگەن. وسىعان بايلانىستى سپورتشىلارعا زاماناۋي جابدىقتار ساتىپ الۋعا قوسىمشا قاراجات بولىنگەن.
«2023 جىل – وليمپياداعا دەيىنگى، ۇلتتىق قۇراما كوماندالاردى دايارلاۋ تۇرعىسىنان ەڭ ماڭىزدى جىل. ۇلكەن جارىستاردا جەڭىسكە جەتۋ ءۇشىن ەڭ الدىمەن ەرىك-جىگەر، تاباندىلىق، سپورتتىق رۋھ پەن ءتارتىپ قاجەت ەكەنى انىق. بىراق، ينفراقۇرىلىمنىڭ اتقاراتىن ءرولىن ەستەن شىعارماعان ءجون. سوندىقتان، ءتيىستى جاعدايلاردى جاساۋ ءۇشىن ءبىز جابدىقتاردى جاڭارتۋ جانە ساتىپ الۋ جۇمىستارىن جۇرگىزدىك. ەندى سوڭعى ناتيجە تولىعىمەن سپورتشىعا بايلانىستى»، — دەدى مادەنيەت جانە سپورت ءمينيسترى داۋرەن اباەۆ.
ونىڭ ايتۋىنشا، سپورتشىلارعا 28 جازعى جانە قىسقى وليمپيادالىق جانە 3 پاراليمپيادالىق سپورت تۇرلەرى بويىنشا جابدىقتار بەرىلدى. وسى جابدىقتاردى العاننان كەيىن سپورتشىلار مينيسترلىككە العىس ايتتى.
«بۇگىندە كاسىبي سپورتشىلار تەحنولوگيامەن قامتاماسىز ەتىلىپ وتىر. بۇل جەردە جاتتىعۋ پروتسەسى، جارىستار مەن دەمالىس تۋرالى ايتۋعا بولادى. دەگەنمەن، پروگرەسس سونشالىقتى تەز بولعاندىقتان، جىل سايىن ءارتۇرلى جابدىقتار مەن جاتتىعۋ قۇرالدارىنىڭ جەتىلدىرىلگەن مودەلدەرى پايدا بولادى. سوندىقتان، قازاقستاندىق سپورتشىلارعا مۇنىڭ ءبارى قولجەتىمدى ەكەنى قۋانتادى»، — دەدى شورت-ترەكتەن حالىقارالىق دارەجەدەگى سپورت شەبەرى دەنيس نيكيشا.
سپورتشىلارعا ترەك جانە جول جارىستارىنا ارنالعان قۇرالدار (ۆەلوسپورت)، قايىقتار، ەسكەكتەر جانە جۇرەك سوعۋ جيىلىگىنىڭ مونيتورلارىن (بايداركا مەن كانوەدە ەسۋ)، اشىق سۋدا جۇزۋگە ارنالعان ترەناجەر-4D، سينحروندى جۇزۋگە ارنالعان ءپورتاتيۆتى جۇيە ساتىپ الىندى.
جازعى سپورت تۇرلەرىندە كاتۋشكالار مەن ارنايى كەيستەر (سەمسەرلەسۋ)، دوپ تاياقتار مەن جابدىقتار (دوپپەن حوككەي)، راكەتكالار (ۇستەل تەننيسى)، جيىنتىقتار، كيمونو، تريكو جانە اياق كيىم (تاەكۆوندو، دزيۋدو، پارا دزيۋدو جانە كۇرەس تۇرلەرى) قاراستىرىلعان. سونىمەن قاتار، قىسقى سپورت تۇرلەرى دە نازاردان تىس قالمادى. ولار ۆەلوسيپەدتەر، كونكي مەن كومبەز (شورت-ترەك جانە كونكيمەن سىرعاناۋ)، شاڭعى، تاياق، ەتىك جانە بەكىتكىشتەر (شاڭعى جارىسى جانە بياتلون، پارا شاڭعى جارىسى جانە پارا بياتلون)، شاڭعى جانە بەكىتكىشتەر (فريستايل، ترامپليننەن سەكىرۋ) الادى.
ەسكە سالا كەتسەك، جاقىندا مينيستر داۋرەن اباەۆ فەدەراتسيا باسشىلارىمەن كەزدەسىپ، 2024 جىلى پاريجدە وتەتىن وليپيادادا جاقسى ناتيجە كورسەتۋ ءۇشىن بىرقاتار تاپسىرما بەرگەن بولاتىن.
داستان كەنجالين،
استانا
