Olımpıada — 2024. Sportshylarǵa zamanaýı jabdyqtar berildi

2024 jyly Franııanyń astanasy Parıjde ótetin jazǵy Olımpııa oıyndaryna daıyndalý úshin sportshylarǵa zamanaýı jabdyqtar berildi. Bul týraly Mádenıet jáne sport mınıstrligi habarlady.

Mınıstrliktiń habarlaýynsha, Parıj Olımıpıadasyna daıyndyq aıasynda arnaıy baǵdarlama ázirlengen. Osyǵan baılanysty sportshylarǵa zamanaýı jabdyqtar satyp alýǵa qosymsha qarajat bólingen.

«2023 jyl – Olımpıadaǵa deıingi, ulttyq qurama komandalardy daıarlaý turǵysynan eń mańyzdy jyl. Úlken jarystarda jeńiske jetý úshin eń aldymen erik-jiger, tabandylyq, sporttyq rýh pen tártip qajet ekeni anyq. Biraq, ınfraqurylymnyń atqaratyn rólin esten shyǵarmaǵan jón. Sondyqtan, tıisti jaǵdaılardy jasaý úshin biz jabdyqtardy jańartý jáne satyp alý jumystaryn júrgizdik. Endi sońǵy nátıje tolyǵymen sportshyǵa baılanysty», — dedi Mádenıet jáne sport mınıstri Dáýren Abaev.

Onyń aıtýynsha, sportshylarǵa 28 jazǵy jáne qysqy olımpıadalyq jáne 3 paralımpıadalyq sport túrleri boıynsha jabdyqtar berildi. Osy jabdyqtardy alǵannan keıin sportshylar mınıstrlikke alǵys aıtty.

«Búginde kásibı sportshylar tehnologııamen qamtamasyz etilip otyr. Bul jerde jattyǵý proesi, jarystar men demalys týraly aıtýǵa bolady. Degenmen, progress sonshalyqty tez bolǵandyqtan, jyl saıyn ártúrli jabdyqtar men jattyǵý quraldarynyń jetildirilgen modelderi paıda bolady. Sondyqtan, qazaqstandyq sportshylarǵa munyń bári qoljetimdi ekeni qýantady», — dedi short-trekten halyqaralyq dárejedegi sport sheberi Denıs Nıkısha.

Sportshylarǵa trek jáne jol jarystaryna arnalǵan quraldar (velosport), qaıyqtar, eskekter jáne júrek soǵý jıiliginiń monıtorlaryn (baıdarka men kanoede esý), ashyq sýda júzýge arnalǵan trenajer-4D, sınhrondy júzýge arnalǵan portatıvti júıe satyp alyndy.

Jazǵy sport túrlerinde katýshkalar men arnaıy keıster (semserlesý), dop taıaqtar men jabdyqtar (doppen hokkeı), raketkalar (ústel tennısi), jıyntyqtar, kımono, trıko jáne aıaq kıim (taekvondo, dzıýdo, para dzıýdo jáne kúres túrleri) qarastyrylǵan. Sonymen qatar, qysqy sport túrleri de nazardan tys qalmady. Olar velosıpedter, konkı men kombez (short-trek jáne konkımen syrǵanaý), shańǵy, taıaq, etik jáne bekitkishter (shańǵy jarysy jáne bıatlon, para shańǵy jarysy jáne para bıatlon), shańǵy jáne bekitkishter (frıstaıl, tramplınnen sekirý) alady.

Eske sala ketsek, jaqynda mınıstr Dáýren Abaev federaııa basshylarymen kezdesip, 2024 jyly Parıjde ótetin Olıpıadada jaqsy nátıje kórsetý úshin birqatar tapsyrma bergen bolatyn.

Dastan KENJALIN,

ASTANA