SportPress.kz قازاقستان سپورت جاڭالىقتارى
پورتۋگاليالىق فۋتبولشى كريشتيانۋ رونالدۋ ساۋد ارابياسىنىڭ «ءال-ناسر» كلۋبىمەن كەلىسىمشارت جاساستى.
قولدا بار مالىمەتكە قاراعاندا، كەلىسىم ەكى جىلعا جاسالعان. وسى كەلىسىمشارتقا سايكەس، ەندى رونالدۋ جارنامالىق كەلىسىمدەردى قوسا ەسەپتەگەندە جىلىنا 200 ملن ەۋرو جالاقى الاتىن بولادى. كەلىسىمشارت جاسلاعان سوڭ، فۋتبولشىنىڭ ءوزى اراب كلۋبىنا قاتىستى جاقسى پىكىر ءبىلدىردى.
«ءال-ناسر» كلۋبىندا وينايتىنىما قۋانىشتىمىن. جاڭا جەتىستىكتەرگە جەتۋ ءۇشىن كوماندالاس دوستارىمنىڭ قاتارىنا قوسىلۋعا اسىقپىن»، — دەدى ول.
«ءال-ناسر» ساۋد ارابياسىنىڭ سەگىز مارتە چەمپيونى (سوڭعى تيتۋلدى 2019 جىلى يەلەندى) اتانعان كلۋب.
داستان كەنجالين،
استانا
