پرەزيدەنت ءبيبىسارا اساۋباەۆانى جەڭىسىمەن قۇتتىقتادى

پرەزيدەنت قاسىم-جومارت توقاەۆ شاحماتتان بليتس بويىنشا ايەلدەر اراسىندا الەم چەمپيونى اتانعان داڭقتى شاحماتشى ءبيبىسارا اساۋباەۆانى قۇتتىقتادى، دەپ حابارلايدى اقوردانىڭ ءباسپاسوز قىزمەتى.

مەملەكەت باسشىسى ەكىنشى رەت قاتارىنان التىن مەدال يەلەنگەن ءبيبىسارانىڭ جەڭىسى ونىڭ اسقان شەبەرلىگى مەن ەرەن ەرىك-جىگەرىن تاعى ءبىر رەت پاش ەتكەنىن اتاپ ءوتتى.

ونىڭ ايتۋىنشا، الەمدىك سايىستاعى وتاندىق سپورتشىلاردىڭ وسىنداي ەلەۋلى جەتىستىكتەرى ەلىمىزدى ينتەللەكتۋال ۇلت رەتىندە تانىتىپ، قازاقستاندا شاحمات سپورتىنىڭ دارىپتەلۋىنە ىقپال ەتەدى جانە مىڭداعان جاس ورەندەردى جىگەرلەندىرەدى.

سونىمەن قاتار، قاسىم-جومارت توقاەۆ ءبيبىسارا اساۋباەۆاعا الەمدىك شاحمات ارەناسىندا جارقىن جەڭىستەرگە جەتە بەرۋىنە تىلەكتەستىك ءبىلدىردى.