Prezıdent Bıbisara Asaýbaevany jeńisimen quttyqtady

Prezıdent Qasym-Jomart Toqaev shahmattan blı boıynsha áıelder arasynda álem chempıony atanǵan dańqty shahmatshy Bıbisara Asaýbaevany quttyqtady, dep habarlaıdy Aqordanyń baspasóz qyzmeti.

Memleket basshysy ekinshi ret qatarynan altyn medal ıelengen Bıbisaranyń jeńisi onyń asqan sheberligi men eren erik-jigerin taǵy bir ret pash etkenin atap ótti.

Onyń aıtýynsha, álemdik saıystaǵy otandyq sportshylardyń osyndaı eleýli jetistikteri elimizdi ıntellektýal ult retinde tanytyp, Qazaqstanda shahmat sportynyń dáriptelýine yqpal etedi jáne myńdaǵan jas órenderdi jigerlendiredi.

Sonymen qatar, Qasym-Jomart Toqaev Bıbisara Asaýbaevaǵa álemdik shahmat arenasynda jarqyn jeńisterge jete berýine tilektestik bildirdi.