Djanlýka Vıallı qaıtys boldy

Búgin fýtboldan Italııa qurama komandasynyń burynǵy oıynshysy Djanlýka Vıallı qaıtys boldy. Ol 2017 jyldan beri qaterli isikpen aýyrdy.

Vıallı 1964 jyly 9 shildede Kremona qalasynda týǵan. Osy qalanyń «Kremoneze» klýbynda oınap, ári qaraı «Sampdorııa», «Iýventýs», Anglııanyń «Chelsı» komandasynda óner kórsetken. Fýtbolshy retinde karerasyn aıaqtaǵan soń jattyqtyrýshy bolyp jumys istedi.

Byltyr jeltoqsan aıynda jaman aýrýmen kúresý úshin Italııa quramasy delegaııasynyń basshysy qyzmetin tastap ketti.

Vıallı fýtbolshy kezinde 1988 jylǵy Eýropa chempıonatynyń qola júldesin, 1990 jylǵy álem chempıonatynyń qola medalin ıelendi. «Sampdorııa» klýbynda Italııa chempıonaty men Kýbok ıegerleriniń kýbogyn alty ret jeńip aldy. «Iýventýsta» oınaǵanda Chempıondar lıgasynyń jeńimpazy boldy. ÝEFA kýbogynyń ıegeri men el chempıony atandy. Anglııanyń «Chelsı» komandasynda tórt trofeıdi basynan asyrdy. Sonyń ishinde ÝEFA-nyń Sýperkýbogy da bar. Odan keıin «Chelsı» men «Ýotford» klýbtarynyń jattyqtyrýshysy boldy.

Dastan KENJALIN,

ASTANA