دانيار ەلەۋسىنوۆ تيتۋلىنان ايىرىلىپ قالۋىنا مەنەدجەرلەرىن كىنالادى

كاسىپقوي بوكسشى دانيار ەلەۋسىنوۆ مەنەدجەرلەر ءوزىنىڭ كارەراسىن قۇرتتى دەپ سانايدى. بۇل تۋرالى meta-ratings.kz حابارلادى.

قازىر 31 جاستاعى سپورتشى الەمگە ايگىلى بريتاندىق بوكس پروموۋتەرى ەددي حيرننەن كەتىپ، زيا اليەۆپەن جۇمىس ىستەپ جاتىر.

دانيار ەلەۋسىنوۆ كەيىنگى ەكى جىلدا ءبىر-اق رەت جۇدىرىقتاسقان. بىراق بۇل چەمپيوندىق جەكپە-جەك بولدى. 2021 جىلدىڭ جەلتوقسانىندا ول IBO الەم چەمپيوناتىنىڭ بەلبەۋىن يەلەنىپ، سودان كەيىن ونى قورعاۋ جەكپە-جەگىنىڭ جوقتىعىنا بايلانىستى تيتۋلىنان ايىرىلىپ قالدى.

بۇعان مەنەدجەرلەرىم كىنالى. ولار ەدديمەن جۇمىستى جالعاستىرۋدان باس تارتتى. سوسىن مەنى جەكپە-جەكسىز ۇزاق ۇستادى، — دەدى بوكسشى.

ول ءوزىنىڭ كەيىنگى كەزدەسۋىندە ارگەنتينالىق حۋان ەرنان لەاونى تورەشىلەر شەشىمىمەن جەڭگەن ەدى.

ەركەعالي بەيسەنوۆ،

استانا