Shymkentte jańa stadıon salynady

Shymkent qalasynda jańa stadıon jáne arnaıy qonaq úıi bar ámbebap sport kesheni salynady.

Jańa sport keshenniń jumystary 2020 jyly bastalǵan. Onyń qurylysy osy jyldyń sońyna deıin aıaqtalady delinip otyr.  Jobanyń jalpy quny — 4 mıllıardqa jýyq teńge.

Sport kesheninde ákimshilik-sharýashylyq korpýsy, jekeleı jáne komandalyq sport túrlerine arnalǵan arnaıy zaldar, qonaqúı jáne 1500 adamǵa arnalǵan shaǵyn alań bolady. Sonyń ishinde  stadıon 33 000 jankúıerge arnalyp salynady. Ol FIFA jáne UEFA talaptaryna saı bolady. Sondaı-aq 1000 kólikke arnalǵan turaq orny da qarastyrylǵan.

Jańa keshende jergilikti «Ordabasy» klýbynyń birinshi jáne jastary quramyndaǵy fýtbolshylary jattyǵyp, oıyndaryn ótkizedi.

Dastan KENJALIN,

ASTANA