SportPress.kz Qazaqstan sport jańalyqtary
«Sportmasterdiń» derekter bazasy qoldy boldy. Sonyń saldarynan TMD elderinde sport taýarlaryn satatyn dúkender jelisi tutynýshylarynyń jeke deregi jelige tarap ketken. Onyń ishinde 260 myń otandasymyz da bar.
Memlekettik tehnıkalyq qyzmetiniń málimetine qaraǵanda, dúkender jelisinen 2012-2018 jyldar aralyǵynda taýar alǵan otandastarymyzdyń aty-jóni, týǵan kúni, telefon nómiri men elektrondy poshtasy jalpaq jurtqa jarııa bolǵan.
«Sportmaster» kompanııasy derekter bazasyndaǵy málimetterdi merdigerlerdiń biri taratyp jiberýi múmkin dep otyr. Alaıda olar klıentterdiń logıni men paroli, tólem kartasyna qatysty aqparatyna qaýip tónbegenin jetkizdi.
Qazir kompanııa ishki tergeýdi bastaǵan. Kıbershabýyldardy taldaý jáne tergeý ortalyǵynyń mamandary jeke azamattardyń basyna qatysty derbes derekter úshinshi qolǵa ótip, sonyń saldarynan kánigi alaıaqtar aram oıyn júzege asyrýy múmkin deıdi. Sondyqtan tizimde bar otandastarymyzdy saq bolyp, kúmándi SMS-habarlama men siltemeni ashpaýǵa shaqyrady.
«Eger sizge «bir mıllıon teńge utyp aldyńyz» degendeı fıshıng hat kelse, ol siltemege ótpeńiz nemese ol faıldy ashpańyz. Eger sizge bankten nemese ishki ister organdarynan bireý habarlassa, qandaı málimet berip jatqanyńyzǵa muqııat bolyńyz.
О́ıtkeni osy málimet keıin qoldanylyp, bank shottaryńyzdan aqsha alynýy nemese sizdiń atyńyzdan nesıe alýy múmkin. Kóbinese alaıaqtar Qazaqstanda emes, shetelderde jumys istep jatyr», — dedi TSARKA kompanııasynyń kıber-saıasat jónindegi mamany Ámirseıit Aıtjanuly.
Erkeǵalı BEISENOV,
ASTANA
